Iibruu 6:5 - Di Jamiekan Nyuu Testiment

⁵ we did ties an nuo fi demself se Gad wod gud, an we fiil an nuo di powa we kom wen Gad staat ruul iina evri wie,

Iibruu 6:5 ပူးပေါင်းရင်းမြစ်များ

Matyu 12:32

Enibadi we chat bad gens di Man we Gad Pik, Gad wi paadn dem. Bot enibadi we chat bad gens di Uoli Spirit, dem naa go get paadn. Dem naa get paadn iina da laif ya ar di laif we a-go kom.

Maak 6:20

kaaz Erad did wel rispek Jan an protek im, kaaz im nuo se Jan a did wan gud man we aalwiez du wa rait. Erad did lov fi lisn tu Jan, iivn duo evritaim im ier im, wa Jan se kanfyuuz im muor an muor.

Luuk 8:13

Di siid dem we jrap pan di grong we bier rakstuon de, a piipl we glad fi Gad wod, biliiv Gad wod fi likl bit, bot siem laik di plaant dem uufa ruut no go dong diip iina di grong, dem no mek Gad wod go diip iina dem aat. Dem biliiv fi likl bit, bot wen taim kom fi dem get tes, dem ton bak — siem laik ou di plaant jrai op an ded.

Ifiijan 6:17

An mek di fak se unu nuo se Gad siev unu, protek unu siem laik ou suoja elmit protek dem ed fram dem enimi. An uol aan tait pan di suod we di Uoli Spirit gi unu, dat a Gad wod.

Iibruu 11:3

Kaaz wi chos iina Gad, wi andastan se im jos se di wod an di worl mek, so di sitn dem we wi kyan si, dem kom fram di sitn dem we wi kyaahn si.

Iibruu 2:5

Kaaz di worl we a-go kom — di worl wi a taak bout nou, im neehn mek ienjel kanchuol it.

Iibruu 4:12

Kaaz wen Gad taak, a laik se di sitn dem we im se alaiv, av powa an kyan du tingz! Gad wod kot beta dan eni wan a di tuu-saidid kotlis dem, an aal buor chuu an plit op suol fram spirit, an kot we wich paat di buon dem jain op fram di blod an sitn dem we de insaida di buon dem. It kyan joj we wi tingk iina wi aat an di sitn dem we wi waahn.

1 Piita 1:25

bot di Laad wod liv fi eva an eva.” An da wod ya a di Gud Nyuuz we dem did priich tu unu.

1 Piita 2:3

nou dat unu “ties an si se di Laad gud.”

2 Piita 2:20

Ef nobadi manij fi get we fram di wikidnis a da worl ya, kaa dem kom fi nuo wi Laad, Jiizas Krais, di wan we siev wi, an den dem siem wan go tai op bak demself iina wikidnis an mek it kangka dem, dem wosaraaf nou dan bifuo dem did fos biliiv an staat fala Jiizas.