Iibruu 6:4 - Di Jamiekan Nyuu Testiment

⁴ Notn kyaahn mek piipl we did a waak wid Gad an ton bak an tap biliiv iina im, we did nuo di chuut we kom fram Gad, we did nuo ou it fiil fi Gad gi dem sopm kaaz dem get tingz fram im, we get di Uoli Spirit tu laik ada piipl,

Iibruu 6:4 ပူးပေါင်းရင်းမြစ်များ

Matyu 12:45

Den di wikid spirit go we go bring bak sevn muo spirit we wosa dan it an di uol a dem go iin de go liv. So nou, da sumadi de wosaraaf dan bifuo. A siem so it a-go go fi di wikid set a piipl dem fram da taim ya!”

Matyu 5:13

“Unu a laik saalt fi di uol worl yu no. Bot ef di ties gaan outa di saalt, ou it fi ties bak laik saalt? It no wot notn nou. It fi jos dash we an tep tep op pan.

Jan 15:6

Ef sumadi no tan pan mi, dem komiin laka di lim dem we get fling we an den jrai op. Piipl pik op dem lim de, fling dem iina faiya an bon dem op.

Jan 3:27

Bot Jan se tu dem se, “Sumadi kyan onggl av wa Gad gi dem.

Jan 4:10

Jiizas ansa ar an se, “Ef yu did nuo bout di speshal sitn we Gad gi — Ef yu did nuo a uu de aks yu fi waata, yu wuda aks im fi waata, an im wuda gi yu it an mek yu liv wan nyuu saat a laif.”

Jan 6:32

So Jiizas se tu dem se, “Mi a tel unu fi chuu chuu: a no bred we kom fram outa evn Muoziz gi unu. Mi Faada a di wan we de gi unu di riil fuud fram outa evn.

Aks 10:45

Di Juu dem we biliiv iina Jiizas an we did kom wid Piita did shak. Dem did shak fi si se Gad gi di Uoli Spirit iivn tu di piipl we a no Juu.

Aks 11:17

So ef Gad gi di Uoli Spirit tu di piipl we a no Juu siem laik ou im did gi wi di Uoli Spirit kaaz wi biliiv iina Jiizas, a uu mi fi go fait gens Gad?”

Aks 15:8

Gad, di wan we nuo evribadi aat, gi dem im Uoli Spirit, an dat shuo se im tek dem fi im piipl siem laik ou im did du wid wi.

Aks 8:20

Piita se, “Mi uop se yu an yu moni go a el kaaz yu tingk se yu kuda bai di Uoli Spirit wa Gad gi piipl!

Ruoman 1:11

Kaaz mi lang fi si unu so dat mi kyan shier wid unu som a di sitn dem we Gad Spirit shuo mi. Mi waahn fi shier dem wid unu so dat mi kyan elp unu fi gruo chrang an biliiv iina Gad muor an muor.

2 Korintiyan 4:4

Dem no biliiv kaaz di devl we ruul da worl ya, blain dem so dat dem kyaahn si di lait. Im blain dem so dat dem kyaahn andastan di Gud Nyuuz bout Krais Jiizas. Im mek it so dat dem kyaahn andastan se Jiizas a jos laik Gad.

2 Korintiyan 4:6

Di Gad we se, “Mek di lait shain iina di daak,” a im siem wan mek im lait shain iina wi aat so dat wi kyan andastan umoch im lov wi an ou powaful im bi. An wi onggl get fi andastan dem sitn de wen wi biliiv iina Krais Jiizas.

Gyalieshan 3:2

So a wan ting mi waahn unu fi tel mi nou: Unu get di Spirit chuu unu fala di Laa ar kaaz unu biliiv wa unu did ier?

Gyalieshan 3:5

Wa mek Gad gi unu im Spirit an wok mirikl mongks unu? Unu tingk im du it kaaz unu fala di Laa ar kaaz unu biliiv wa unu ier?

Ifiijan 1:18

Mi prie se Gad wi uopm unu main, so unu kyan andastan di sitn dem we im kaal wi fi tek paat iina. An mi prie se unu wi andastan se di sitn dem we Gad pramis fi gi im piipl dem big an nof.

Ifiijan 2:8

Gad siev unu kaaz im lov unu iivn duo wi no dizorv it, an kaaz unu chos iina im. A no siek-a notn we unu du mek im siev unu. Di nyuu laif we Gad gi unu a wan prezent.

Ifiijan 3:7

Siek-a ou Gad lov mi iivn duo mi no dizorv it, im yuuz im powa an pik mi fi gi mi da wok ya fi tel piipl bout di Gud Nyuuz.

Ifiijan 4:7

Krais Jiizas gi evri wan a wi wan speshal gif fi wi spirit. Dat shuo umoch im lov wi iivn duo wi no dizorv it.

1 Timoti 4:14

No figet bout di gif we di Uoli Spirit gi yu, mek shuor se yu yuuz it. A da gif de yu did get wen di prafit dem did taak uova yu an di elda dem did put dem an pan yu an prie.

2 Timoti 2:25

Gad sorvant, wen im a karek di wan dem we go gens di chuut, fi tek im taim wid dem. Kaaz Gad mait-a mek dem chienj dem wiez an lorn di chuut.

2 Timoti 4:14

Aligzanda, di wan we wok wid metal, du nof wikid sitn tu mi. Gad a-go pie im bak fi aal we im du.

Iibruu 10:32

Bot unu fi memba iina di paas wen unu did jos andastan Gad wie, di sofarieshan we unu did afi go chuu, bot unu uol aan an kot chuu siem wie.

Iibruu 2:4

An Gad yuuz sain an shuo se dis a chuu sopm. Som sitn we im du, piipl kyaahn biliiv dem yai di wie dem sopraiz! Plos im yuuz aal kain-a mirikl. An im aal mek piipl get wa di Uoli Spirit kom gi. Dem get it jos laik ou im did waahn it fi go. An aal a dat shuo se wa di piipl dem did se riili riili chuu.

1 Jan 5:16

Ef nobadi si im breda ar sista sin iina wan wie we naa go mek im ded, unu fi prie fi dem se Gad wi paadn dem, an da sumadi we sin da sin de we naa go mek im ded, Gad wi mek im liv. Som sin kaaz piipl fi ded. Mi naa tel unu fi prie fi sumadi we du dem sin de.