Iibruu 6:18 - Di Jamiekan Nyuu Testiment

¹⁸ Gad du tuu sitn we kyaahn chienj, kaaz wi nuo se Gad kyaahn lai. Im du dem tuu sitn de, so wi we ron tu im fi kip sief, wi wi fiil laik wi kyan uol aan chrang kaaz wi nuo fi shuor se wi a-go get di sitn dem we im pramis fi gi wi.

Iibruu 6:18 ပူးပေါင်းရင်းမြစ်များ

Taitos 1:2

An wen dem andastan Gad wod it wi gi dem sopm fi luk faawod tu. Dem wi luk fi si an nuo fi shuor se Gad wi mek dem liv fi eva. Kaaz lang bifuo di worl did mek Gad pramis fi mek wi liv fi eva, an Gad no lai.

2 Timoti 2:13

Ef wi ton wi bak pan im, im stil naa ton im bak pan wi. Kaaz Jiizas Krais kyaahn gwaan laik im no nuo uu im bi.

Ruoman 3:4

Notn kyaahn go so! Gad wi aalwiez du wa im se im a-go du, iivn wen piipl lai an se dem du wa dem did pramis fi du. It aal rait dong iina Gad wod se: “Evritaim Gad taak, piipl wi si se wa im a se a chuu sopm. No mata wa piipl se gens Gad, a Gad a-go win.”

1 Jan 1:10

Ef wi se wi no av no sin, wi a kaal Gad laiyad, an dat shuo se im Wod no iina wi aat at aal at aal.

Iibruu 3:11

So mi get beks bad an swier se, ‘Dem wi neva eva kom get da piis de we mi gi; dem naa go eva get fi kom a da plies de we dem kyan jos res!’ ”

1 Timoti 1:1

Timoti, dis a Paal, Jiizas Krais apasl. A di Gad we siev wi an Jiizas Krais di wan we mek wi kyan luk fi get aal kain-a gud sitn, aada mi fi bi wan apasl.

Ruoman 3:25

Gad sen Jiizas fi gi op im laif an siev wi. Wen Jiizas ded pan di kraas, fi im blod pie fi wi sin dem an so wi no afi get ponish. Aal wi afi du fi get wi sin dem paadn, a biliiv iina Jiizas. Wen Gad sen Jiizas im shuo se im no paashal — im chriit evribadi siem wie, kaaz bifuo Jiizas did kom, im neva ponish nobadi fi dem sin, im tek taim wid dem.

1 Jan 5:10

Enibadi we biliiv iina Gad pikni nuo iina dem aat se wa Gad se a chuu. Bot enibadi we no biliiv Gad, tek im fi wan laiyad, kaaz dem no biliiv we Gad se bout im pikni.

1 Timoti 6:12

Yu chos iina Gad so yu a-go av nof tingz we yu a-go afi chogl chuu. Gwaan tan op chrang an priich Gad wod. Ef yu du dis yu kyan nuo fi shuor se yu a-go liv fi eva. Kaaz dat a di pramis we Gad gi yu wen yu did se dat yu biliiv iina im infronta evribadi.

Ruoman 15:5

Mi prie se Gad, Gad uu kyan mek piipl chrang an kaaz dem fi eng aan an no gi op, mi prie se im wi kaaz unu fi liv iina piis wid unu wan aneda wail unu a fala Krais Jiizas.

Iibruu 11:7

Afta Gad waan Nowa bout di sitn dem we Nowa kudn si yet, a kaaz Nowa chos iina Gad an av nof nof rispek fi im mek im lisn we Gad se an go bil wan big buot fi siev im fambili. Kaaz Nowa did chos iina Gad so, im kot aaf imself fram di piipl dem iina di worl an shuo se dem rang kaa dem no chos iina Gad. Gad se, “Nowa a sumadi we du wa rait” kaaz Nowa chos iina im.

1 Tesaluoniyan 1:10

An dem taak bout ou unu a wiet fi Jiizas, Gad Bwai Pikni, fi kom fram evn. Jiizas, we Gad mek kom bak alaiv. Jiizas, we siev wi fram Gad jojment we a kom.

Koloshan 1:27

Gad did waahn dem nuo umoch im riili riili bles unu — unu piipl we kom fram aal bout. Da mesij ya se Krais Jiizas liv iina unu aat, an unu kyan luk fi kom si an nuo ou Gad big an powaful.

Koloshan 1:23

A so it go, ef unu riili uol aan chrang an gwaan chos iina im, an ef unu no tap luk faawod tu di gud sitn dem unu ier bout wen unu ier di Gud Nyuuz. Piipl pred da Gud Nyuuz de aal uova di worl. An mi, Paal, mi ton Gad sorvant, so mi kyan pred di Gud Nyuuz tu.

Luuk 2:25

Nou yu did av wan man iina Jeruusilem niem Simiyan. Simiyan a did wan gud sumadi we riili did a liv fi Gad. Im did a wiet fi Gad frii Izrel fram sofarieshan an di Uoli Spirit did de wid im.

Matyu 24:35

Evn an ort naa go de bout fi eva, bot fi mi wod a-go laas fi eva.

Iibruu 7:21

Bot Jiizas did ton wan priis wen Gad pramis im se, “Mi, di Laad, pramis se yu a-go bi wan priis fi eva, an mi naa go chienj mi main!”

Iibruu 3:6

Bot Krais Jiizas, im a Gad Bwai Pikni. Gad put im inchaaj an im tek kier a Gad piipl dem an du wa Gad tel im fi du, jos laka ou wan bwai pikni we aalwiez du we im mada an faada tel im fi du wuda luk aafa dem ous an fambili. An ef wi uol aan chrang an gwaan luk tu Gad laik we wi buos bout aal di wail, den wi a paat a Gad piipl.

Koloshan 1:5

Unu du dem sitn de kaaz unu a luk fi get wa Gad put op iina evn fi wi, an unu nuo fi shuor se unu a-go get dem. Wa Gad put op a di sed sitn dem we unu did ier bout wen unu did ier di Gud Nyuuz, an da mesij de chuu.

Filipiyan 2:1

Krais Jiizas mek unu chrang, kaaz unu an im kluos. Im lov unu, so unu no afi wori bout notn. Unu an im Uoli Spirit a wan. Wen wan a unu a sofa di uol a unu fiil it. An unu kain tu unu wan aneda.

Matyu 3:7

Bot wen im si uol iip a piipl fram di Farisii an Sadyusii gruup a kom fi im baptaiz dem, im se tu dem se, “Unu siniek pikni unu! A uu waan unu fi ron we fram di jojment we a kom?

Ruoman 5:5

An kaaz wi nuo se Gad a-go gi wi we im pramis, wi no afi wori. Wi no afi wori kaaz wi nuo se Gad lov wi. Im shuo wi umoch im lov wi wen im gi wi di Uoli Spirit.

Iibruu 6:17

A siem so Gad did waahn shuo di piipl dem we im pramis klier klier se im riili a-go gi dem wa im pramis dem, an im naa go chienj im main, so im no jos pramis dem, bot im swier pan tap a dat.

Iibruu 7:19

Kaaz di laa kudn mek notn ton aal we it fi ton. Bot nou Gad gi wi sitn beta fi luk faawod tu an dat bring wi kluos tu im.