Iibruu 6:17 - Di Jamiekan Nyuu Testiment

¹⁷ A siem so Gad did waahn shuo di piipl dem we im pramis klier klier se im riili a-go gi dem wa im pramis dem, an im naa go chienj im main, so im no jos pramis dem, bot im swier pan tap a dat.

Iibruu 6:17 ပူးပေါင်းရင်းမြစ်များ

Jan 10:10

Di tiif kom onggl fi tiif, fi kil an fi mash op. Mi kom so dat dem kyan liv laif an no waahn notn at aal.

Ruoman 11:29

Gad naa go chienj im main bout di piipl we im did pik an im naa go tek bak di gif dem we im gi dem.

Ruoman 8:17

So sins wi a Gad pikni, wi a-go get aal a di sitn dem we Gad pudong fi bles im piipl wid. An no jos dat, aal a we Gad pudong fi Krais Jiizas, im a-go shier it wid wi. Kaaz ef wi sofa laik ou Krais Jiizas did sofa, wi no wi get big op laik im an get aal a di nais sitn dem we im a-go get tu.

Gyalieshan 3:29

An ef unu bilang tu Krais Jiizas, den unu a Iebriyam pikni an aal a di sitn dem we Gad pramis fi gi Iebriyam, unu wi get tu.

Ifiijan 1:11

Gad mek evriting apm jos laik ou im plan dem fi apm, an fram wie bak wen, im pik wi fi bi im piipl siek-a Jiizas an wa im wuda du.

Iibruu 11:7

Afta Gad waan Nowa bout di sitn dem we Nowa kudn si yet, a kaaz Nowa chos iina Gad an av nof nof rispek fi im mek im lisn we Gad se an go bil wan big buot fi siev im fambili. Kaaz Nowa did chos iina Gad so, im kot aaf imself fram di piipl dem iina di worl an shuo se dem rang kaa dem no chos iina Gad. Gad se, “Nowa a sumadi we du wa rait” kaaz Nowa chos iina im.

Iibruu 11:9

An kaa im chos iina Gad im muuv go a di lan we Gad pramis im an liv de laik farina. Im liv iina tent wid Aizak an Jiekob. Gad did mek di siem pramis tu dem tu.

Iibruu 6:12

Wi no waahn unu fi get liezi an no waahn du notn. Nuo! unu fi tan laik di piipl dem we biliiv iina Krais Jiizas. Dem no gi op, an so dem get wa Gad did pramis fi gi dem.

Iibruu 6:16

Piipl swier pan sumadi we biga dan demself an we muo powaful tu, an dis aalwiez shuo se wa dem se a riili so it go — aal aagiment don.

Iibruu 6:18

Gad du tuu sitn we kyaahn chienj, kaaz wi nuo se Gad kyaahn lai. Im du dem tuu sitn de, so wi we ron tu im fi kip sief, wi wi fiil laik wi kyan uol aan chrang kaaz wi nuo fi shuor se wi a-go get di sitn dem we im pramis fi gi wi.

Jiemz 1:17

Evri gud sitn — di sitn dem we no av notn bad bout dem — kom fram Faada Gad we mek aal a di lait dem we iina di skai. Bot im no tan laik di lait dem we im mek. Dem eva a chienj, bot im no chienj op chienj op.

Jiemz 2:5

Mi breda an sista, ier wa mi a se. No Gad pik di puo piipl iina di worl fi bles dem kaaz dem biliiv iina im? Im pik dem fi tek paat iina im kindom wa im pramis fi gi aal uu lov im.

1 Piita 1:3

Tangks an priez tu di Gad an Faada a wi Laad Jiizas Krais. Im so gud an kain tu wi, im gi wi nyuu laif wen im mek Jiizas Krais ded an kom bak alaiv. Da wie de, wi nuo fi shuor se wi kyan get wa im pramis wi.

1 Piita 3:7

A siem so di ozban dem fi liv gud wid dem waif an tingk bout dem siem laik ou Gad si dem. Unu nuo aredi se dem no chrang laka unu an dem kyaahn go du aal a wa unu kyan du. So andastan dat an rispek dem, kaaz di siem speshal laif we Gad so gud an kain fi gi unu, im gi dem tu. So mek shuor se unu chriit dem rait so unu kyan prie ou unu sopuoz fi prie.