Iibruu 6:12 - Di Jamiekan Nyuu Testiment

¹² Wi no waahn unu fi get liezi an no waahn du notn. Nuo! unu fi tan laik di piipl dem we biliiv iina Krais Jiizas. Dem no gi op, an so dem get wa Gad did pramis fi gi dem.

Iibruu 6:12 ပူးပေါင်းရင်းမြစ်များ

Matyu 22:32

‘Mi a Iebriyam Gad, Aizak Gad an Jiekob Gad’? Im a no Gad fi ded piipl, bot im a Gad fi uu a liv!”

Matyu 25:26

“Bot im maasta ansa bak, ‘Yu woklis, gud fi notn, wikid sorvant yu! So yu nuo se mi pik we mi no plaant an gyada we mi neehn skyata no siid?

Luuk 16:22

“Di bega ded an di ienjel dem kyari im tu Iebriyam said. Di rich man ded tu an get beri.

Luuk 8:15

Di wan dem we jrap pan gud grong, a di piipl dem uufa aat riili gud. Dem ier di wod an uol aan pan it. Aal wen aad taim kom, dem stil bier fruut.

Ruoman 12:11

Unu fi wok aad an no liezi! Unu mos eva waahn fi sorv di Laad wid aal a unu aat.

Ruoman 2:7

Yu av som piipl we a liv rait an we aalwiez a du gud fi ada piipl. Dem piipl de waahn Gad fi taak gud bout dem. Dem waahn im fi big dem op an mek dem liv fi eva. An a dem de piipl de Gad a-go mek liv fi eva an eva.

Ruoman 4:12

An a no jos dem piipl de im a faada fa, Iebriyam a faada tu fi di piipl dem we sorkomsaiz an we biliiv iina Gad laik ou Iebriyam did biliiv iina Gad bifuo im get sorkomsaiz.

1 Tesaluoniyan 1:3

Wi no tap prie an gi Faada Gad tangks fi unu kaaz wi memba ou unu du som gud sitn kaaz unu biliiv iina Jiizas. Wi memba ou unu wok wel aad kaaz unu lov im; an wi tingk bout ou unu neva eva tap luk tu im, an so unu kuda pres aan no mata wa.

2 Tesaluoniyan 1:4

Siek-a dat, wi fi wan afi buos bout unu iina aal a Gad choch dem, kaaz unu eng aan no mata wa. An unu a chos iina Gad iivn duo unu a sofa an a go chuu nof chraiyal an chibilieshan.

Iibruu 1:14

Aal a di ienjel dem, no spirit dem — spirit we Gad sen fi go sorv di piipl dem we a-go get siev? No so?

Iibruu 10:36

Unu afi uol aan an pres chuu fi du wa Gad waahn unu fi du, an so get di sitn dem we im pramis fi gi unu.

Iibruu 11:33

Siek-a ou dem chos iina Gad, dem fait waar gens konchri an win; som did inchaaj a piipl an dem ruul iina wan wie we rait iina Gad yai; an Gad gi dem wa im pramis fi gi dem tu. An kaaz dem chos iina Gad, dem shot laiyan mout so di laiyan dem no nyam dem.

Iibruu 12:1

So laik ou wan kroud a piipl de aal bout roun wi, an dem shuo wi aredi ou fi chos iina Gad, wi afi dash aaf evriting we a sluo wi dong iina da ries ya. Di sin we tai op wi fut iizi iizi, wi afi dash dem aaf man, an ron di ries we de infronta wi an no wier out pan di wie.

Iibruu 13:7

Memba unu liida dem we tel unu bout Gad wod. Tingk bout wa did apm siek-a ou dem liv dem laif, an chos iina Gad jos laik dem.

Iibruu 5:11

A uol iip wi av fi se bout dem sitn ya we wi a taak bout. Bot it aad fi brok it dong tu unu kaaz unu jos naa andastan.

Iibruu 6:15

An afta Iebriyam wiet ou lang an gwaan chos Gad, im get wa Gad pramis im.

Jiemz 1:3

Kaaz unu nuo se dem sitn de kom fi tes unu fi si ef unu a-go stil chos iina Gad. Wen dem chobl de tek unu, ef unu gwaan chos iina Gad siem wie, unu wi kyan tan op chrang no mata wa.

2 Piita 1:10

So mi breda an sista, Gad kaal unu fi fala im. An im pik unu fi bi fi im piipl dem. So ef unu waahn dis fi laas unu fi chrai iivn aada fi mek shuor se dat apm. Kaaz ef unu du dis, notn kyaahn kot unu aaf fram Gad.

1 Jan 2:25

An wa di Bwai Pikni did pramis a dis: im se wi a-go liv fi eva.

Revilieshan 13:10

Ef nobadi fi get lak op iina prizn, a dat a-go apm tu dem. Ef nobadi fi get kil wid di suod, dem a-go get kil wid di suod. Dat miin se Gad piipl dem mos tan op chrang an no mek notn tap dem fram chos iina Gad no mata wa apm.