Iibruu 6:1 - Di Jamiekan Nyuu Testiment

¹ So, mek wi muuv op man, an muuv paas di sitn dem we wi don tiich unu bout Krais Jiizas. Mek wi gruo paas dem sitn de, so wi kyan tiich unu siem laka ou wi wuda tiich piipl we chrang iina wa dem biliiv iina. Wi shudn afi tiich unu agen se piipl fi beg Gad paadn, chienj dem wiez an tap du di sitn dem we naa riili elp dem at aal, an dat dem fi biliiv iina Gad. Wi tiich unu dem sitn de wen unu did jos staat fala Jiizas.

Iibruu 6:1 ပူးပေါင်းရင်းမြစ်များ

Matyu 21:29

“Di bwai se, ‘Mi naa go no we.’ Bot lietaraan im chienj im main an go.

Matyu 21:32

Kaaz Jan kom shuo unu di rait wie, an unu neehn biliiv im. Bot di taks kalekta dem an seks woka did biliiv. Unu si dis apm, bot unu stil neehn chienj unu main an biliiv im.

Matyu 3:2

Im se, “Ton we fram unu sin, kaa di die suun kom wen evn a-go ruul uova di worl iina evri wie!”

Matyu 4:17

Fram da taim de, Jiizas staat priich da mesij ya: “Ton we fram unu sin an chienj unu wiez, kaa di die suun kom wen evn a-go ruul uova di worl iina evri wie!”

Matyu 5:48

So ier mi nou, unu no fi gud onggl somtaim an onggl tu som piipl; nobadi no fi av notn bad fi se bout unu, tan jos laik unu faada we iina evn — im gud aal di wail, tu evribadi, an nobadi kyaahn se notn bad bout im an a taak chuut.”

Matyu 7:25

Di rien faal, di plies flod out an di briiz bluo aad aad an biit gens di ous. Bot di ous neehn mash dong, kaa a rakstuon it weehn bil op pan.

Maak 1:1

Dis a ou di Gud Nyuuz bout Jiizas Krais, Gad Bwai Pikni staat.

Maak 6:12

So dem lef an staat fi priich se evribadi fi ton we fram dem sin an ton tu Gad.

Luuk 6:48

Im komiin laik wan man we bil op wan ous — im dig dong diip iina di grong so im kuda bil di ous pan rakstuon. Di plies flod out an di riva kom dong an biit gens di ous, bot kudn mash it dong, kaaz di ous did bil op chrang chrang.

Jan 12:44

Den Jiizas shout out pan tap a im vais an se, “Di sumadi we chos iina mi no chos iina mi wan, im chos iina di wan we sen mi kom ya tu.

Jan 14:1

“No wori unuself. Chos iina Gad, an chos iina mi tu.

Jan 5:24

“Mi de tel unu fi chuu chuu, enibadi we ier we mi se an chos iina di wan we sen mi, a-go liv fi eva. Dem naa go get sen fi ded. Nuo! Dem get muuv uova fram we paat dem wuda ded, an gaan uova tu we paat dem gweehn liv.

Aks 11:18

Wen dem ier aal we Piita se dem tap aagyu wid im. Insted-a dat dem staat priez Gad an se, “So den Gad gi di piipl we a no Juu di chaans fi ton we fram dem sin an get siev so dem kyan liv fi eva an eva.”

Aks 17:30

So fos taim wen piipl neva nuo Gad, im neva ponish dem. Bot nou im a aada evribadi evriwe fi ton we fram dem sin an beg Gad paadn,

Aks 2:38

Piita tel dem se “Aal a unu, ton we fram unu sin dem an shuo se unu sari fi wa unu du, get baptaiz iina Jiizas Krais niem an Gad wi paadn unu fi unu sin dem. Ef unu du dat, Gad wi gi unu im gif, dat a di Uoli Spirit.

Aks 20:21

An mi neva fried fi tel piipl we a Juu an piipl we a Griik fi ton we fram dem sin, shuo se dem sari fi wa dem du, ton tu Gad, an biliiv iina Jiizas.

Aks 26:20

So di fos plies mi priich a Damaskos. Afta dat mi priich iina Jeruusilem an aal uova Judiya. Mi priich tu di piipl we a no Juu tu. Mi tel dem fi ton we fram dem sin an ton tu Gad an fi du di sitn dem we shuo se dem riili sari bout dem sin.

Aks 3:19

So ton we fram unu sin, beg Gad paadn an kom bak tu im, so dat im wi tek we unu sin dem.

1 Korintiyan 13:10

wen Jiizas Krais kom bak an evriting don wid, wi naa go niid dem gif de agen.

1 Korintiyan 2:6

Nou iivn duo mi no yuuz no big fansi wod, di piipl dem we biliiv iina Gad nof nof, dem tingk se di mesij we mi priich waiz. It no waiz kaaz a sopm we som sumaat piipl tingk op. An it no waiz kaaz di ruula dem we de bout nou an we a-go luuz dem powa an ded, tingk se it waiz.

2 Korintiyan 7:1

Mi gud gud fren, sins Gad mek dem pramis ya tu wi, mek wi stie faar fram sin an kip wi badi an wi spirit kliin. Mek wi rispek Gad an gi im evri paat a wi. Mek wi chrai fi bi muor laik im.

2 Korintiyan 7:10

Kaaz ef sumadi a sin, an dem sari fi wa dem du laik ou Gad waahn dem fi sari, dem wi ton we fram dem sin an beg Gad fi paadn dem. An wen dem du dat Gad wi siev dem. Nobadi naa go se dem sari se dat apm. Bot ef sumadi a sin an no sari ou Gad waahn dem fi sari, dem a-go gwaan sin an dem naa go get siev. Dem a-go ded.

Ifiijan 2:1

Wan taim unu spirit did ded kaaz unu did a brok Gad laa an unu did a liv iina sin.

Ifiijan 2:5

aal wen wi spirit did ded siek-a wi sin dem, Gad mek wi kom bak alaiv siem taim Jiizas did kom bak alaiv. (A kaaz Gad lov unu iivn duo wi no dizorv it mek im siev unu.)

Ifiijan 4:12

Im du aal a dis ya fi get Gad piipl redi fi du Gad wok an fi elp di choch fi gruo chrang

Koloshan 1:28

Wi pred di mesij bout im. Wi waan piipl an tiich piipl bout wa dem no fi du an wa dem fi du. Wen wi waan an tiich, wi yuuz aal a di sens dem we Gad gi wi. An wi du aal a dis ya so evribadi kyan kom kluos tu Krais Jiizas, an kyan kom ton ou Gad waahn dem fi ton, an no shaat a notn wen wi tek dem go infronta Gad.

Koloshan 3:14

An pan tap a aal a wa mi se, unu fi put aan lov. A lov bring di uol a dem tugeda laik se dem a onggl wan sitn — an a so it fi go.

Koloshan 4:12

Epafras, we kom fram mongks unu, an we a wan a Krais Jiizas sorvant dem, im se oudi tu. Im eva a prie fi unu wid aal a im aat. Im prie se unu wi tan op chrang iina Gad an no tap chos iina im. Im prie se unu wi biliiv iina Gad so til nobadi kyaahn mek unu tap chos iina im. An im prie aad se unu wi nuo fi shuor wa Gad waahn unu fi du an fi biliiv.

1 Timoti 3:16

Aal a wi nuo fi shuor se di uol a di sitn dem we Gad shuo wi, we jos big an powaful, a chuu. A chuu se: Jiizas baan a ort laik wan man. Di Uoli Spirit pruuv se Gad did tek im fi im Pikni an di ienjel dem did si im. Piipl priich tu evribadi bout im, evribadi put dem chos iina im an Gad tek im op iina evn.

1 Timoti 6:19

Ef dem du dis, dem wi bil wan salid fyuucha fi demself an wi get di laif we Gad pramis.

2 Timoti 2:19

Bot Gad foundieshan salid an chrang, it a tan op siem wie. An it av dis rait pan it: “Di Laad nuo di piipl dem we a fi im uon,” an “Enibadi we se Jiizas a ‘Laad’ mos tap du wikid sitn.”

Iibruu 11:6

Nou ef sumadi no chos iina Gad, dem kyaahn mek im api non at aal. Kaaz enibadi we kom kom worship Gad afi biliiv fos se Gad de fi chuu, an dat im a-go du som uol iip a gud sitn fi di wan dem we luk fi im aad aad.

Iibruu 12:13

Waak pan ruod we chriet so di piipl dem uufa fut wiik an kyaahn waak gud, dem fut naa go get no wos, bot wi get beta.

Iibruu 7:11

Gad did gi di Izrel piipl dem di laa. Di priis dem did fi kom fram Liivai fambili an dem did impuotant tu di laa. Nou ef di priis dem fram Liivai fambili kuda du aal we dem did fi du, wan difrant kain-a priis wudn afi kom? Wan we tan laka Melkezidek, an we no kom fram Ieran fambili, no chuu?

Iibruu 9:14

den tingk bout umoch muo Krais Jiizas blod a-go du fi wi! Siek-a di Spirit we liv fi eva, im kuda gi op imself, an im naa no sin at aal. So fi im blod frii wi kanchens fram di sitn dem we wi du uova an uova fi worship, bot we riili naa no yuus an we boun fi kil wi aaf. Im blod frii wi kanchens fram dem de an mek wi kyan riili sorv di Gad we liv fi eva!

Jiemz 1:4

Unu fi gwaan uol aan chrang no mata wa apm an chos iina Gad so unu kyan bi aal we Gad waahn unu fi bi, an so unu wi no shaat a notn.

1 Piita 1:21

An a im mek unu biliiv iina Gad — Gad we did mek im kom bak alaiv an ana im. So da wie de unu wi chos iina Gad an unu wi kyan nuo fi shuor se im a-go kip im wod an du som gud sitn fi unu.

1 Piita 5:10

Bot afta unu sofa likl, di Gad we lov unu so til, we no uol bak non a im lov fram unu, im sed wan we kaal unu fi enjai im powa we kyaahn don, kaaz unu a fala Krais Jiizas — im a-go fiks bak evriting fi unu agen, an di chos unu chos iina im, im a-go mek dat chrang chrang. Im a-go mek unu aat chrang tu, so unu kyan anggl di sofarieshan. An im a-go mek shuor se unu tan op chrang iina im no mata ou rof it mait-a get.

1 Jan 4:12

Nobadi neva si Gad yet, bot ef wi lov wi wan aneda dat shuo se Gad riili iina wi an wi a lov ou im waahn wi fi lov.