Iibruu 5:9 - Di Jamiekan Nyuu Testiment

⁹ An nou dat im go chuu aal a dat, an kom ton aal a we im sopuoz fi bi, im en op ton di wan we siev piipl fi eva, so langks dem du wa im tel dem fi du.

Iibruu 5:9 ပူးပေါင်းရင်းမြစ်များ

Matyu 17:5

Luk ya no, siem taim Piita a chat, wan brait kloud kom dong kom kova dem op, an wan vais iina di kloud se, “Dis a fi mi Bwai Pikni, mi lov im, an im mek mi api. Unu fi lisn we im se!”

Luuk 13:32

Jiizas se, “Go tel da faks de se, ‘Luk, mi wi ron out diiman an mek piipl beta tide an tumaro, an pan di tord die, mi wok wi don.’

Jan 19:30

Wen im get di wain, im se, “It don nou.” Den im ben dong im ed an put im spirit iina Gad an an ded.

Aks 3:15

Unu kil di wan we gi piipl riil laif, bot Gad mek im kom bak alaiv. An wi si aal a dat wid wi uona yai.

Aks 4:12

A onggl Jiizas wan kyan siev piipl, an a fi'im niem Gad gi piipl. Nobadi els iina di uol worl kyaahn siev yu.”

Aks 5:32

Wi a tel piipl bout dem sitn ya we wi nuo, an di Uoli Spirit we Gad gi tu aal uu du we im se, im a tel piipl bout dem sitn ya tu.”

Ruoman 1:5

Gad kaaz Jiizas fi gud an kain tu mi an fi mek mi wan a im apasl dem, iivn duo mi neva dizorv it. Im mek mi wan apasl so dat mi kuda sorv Jiizas Krais an elp di piipl dem we a no Juu fi biliiv iina im an fala aal a wa im se.

Ruoman 10:16

Bot a no evribadi did biliiv an fala wa di Gud Nyuuz se. Laik Aizaiya did se “Laad, mi priich yu mesij, bot uu biliiv it?”

Ruoman 15:18

Mi wudn mad fi taak bout notn bot di wok we Krais Jiizas yuuz mi fi du — di wok we kaaz di piipl we a no Juu fi staat du aal a wa Gad se dem fi du. Dem staat fala Gad siek-a di sitn dem we mi se an du,

Ruoman 2:8

Bot yu av som ada piipl we onggl bizniz bout demself — dem no du notn fi elp ada piipl. Dem mek op dem main se dem naa du wa rait — dem onggl a-go du we Gad se rang. Dem piipl de Gad a-go shuo dem se im beks wid dem, im a-go ponish dem aad aad.

Ruoman 6:17

Bot tangk Gad, iivn duo unu a did sin sliev, unu fala wid aal a unu aat, aal a di chuu sitn dem we mi did tiich unu.

2 Korintiyan 10:5

an di sitn dem we dem se chuu dem ful-a demself, an we komiin laik wan waal a tap piipl fram nuo Gad. Wi a-go tier it dong. Di sitn dem we dem tingk an se, komiin laik wi enimi an siem laik ou suoja kech dem enimi an fling dem iina prizn, a siem so wi a-go kech evriting we dem tingk an fuos dem fi fala wa Krais Jiizas se.

Filipiyan 2:12

So mi gud fren, unu si siem laik ou unu aalwiez du we Gad waahn unu fi du, no onggl wen mi de de wid unu bot wos laik ou mi no de de, gwaan du di sitn dem we wi mek piipl si se Gad siev unu an unu av nof rispek fi im iina evriting we unu a du.

2 Tesaluoniyan 1:8

wid wan faiya we a bliez. Im a-go bring dong jojment pan aal a uu no nuo Gad an dem de we no fala di Gud Nyuuz bout wi Laad Jiizas.

2 Tesaluoniyan 2:16

Nou, wi prie tu wi Laad Jiizas Krais imself an wi Faada Gad — Gad lov wi an no tap gi wi gud wod fi mek wi aat chrang, an im mek wi kyan luk faawod tu som gud sitn tu we im pramis fi gi wi, duo wi no dizorv dem at aal at aal.

2 Timoti 2:10

An sins di mesij no iina prizn mi wi gwaan sofa fi di piipl dem we Gad pik. So dat Jiizas Krais wi siev dem an so dem kyan liv fi eva wid Gad.

Iibruu 1:14

Aal a di ienjel dem, no spirit dem — spirit we Gad sen fi go sorv di piipl dem we a-go get siev? No so?

Iibruu 11:40

Kaaz Gad did plan fi du sitn we wie wie beta fi wi, so wi an dem kyan bi aal a wa Gad waahn wi fi bi di siem taim.

Iibruu 11:8

Kaaz Iebriyam chos iina Gad, wen Gad kaal im, im lisn. An so im go a wan plies we im did bout fi get fram Gad, im go de iivn duo im neehn nuo a wich paat im did a go.

Iibruu 12:2

Wi fi kip wi yai lak pan Jiizas. A im fos shuo wi wa it miin fi chos iina Gad, an mek wi kyan chos im iina evri wie. Im nuo se im did a-go en op wel api, so im go chuu di sofarieshan an go ded pan di kraas, an im neehn bizniz se im did a du sitn we evribadi els wuda shiem fi du. Afta dat im galang go sidong a Gad rait an.

Iibruu 2:10

Evriting a Gad uon, an im yuuz im powa mek evriting an kip dem ou dem fi tan. So a di rait ting im du wen im mek di wan we a-go liid piipl fi get siev, sofa, an da wie de get fi im rait pozishan. Gad du dat so im kuda yuuz im fi mek uol iip a piipl kom fala im an ton Gad pikni dem.

Iibruu 2:3

den a ou wi a-go get we, ef wi ton wi bak pan da impuotant mesij ya bout ou Gad a-go siev wi, an no pie it no main, iihn? A di Laad Jiizas imself did fos tel piipl bout it yu nuo. An den di piipl dem we did ier im, mek wi nuo se it go so fi chuu.

Iibruu 9:12

An a no guot blod ar kou kyaaf blod im tek du dis. Bot a fi im uona blod im tek go iina di Uoliyis Plies. Im go de onggl wan dege-dege taim an a it dat — im wan siev di uol a wi fram sin fi eva!

Iibruu 9:15

A so kom im mek wan nyuu plan bitwiin Gad an piipl. So di piipl dem we Gad kaal fi bi fi im uona piipl dem, im kyan bles dem fi eva laik we im pramis fi du. Dat kyan apm kaaz im ded, an kaaz im go ded di piipl dem we sin an brok di uol taim plan we Gad did mek wid dem, dem piipl de kyan get paadn.

Iibruu 9:28

wel a siem so, Krais Jiizas sakrifais imself onggl wan taim fi paadn uol iip a piipl sin. Bot wen im kom bak, a no kom im a kom fi tek we sin bot fi siev di piipl dem we a wiet fi im.

1 Piita 1:22

Nou dat unu kliin op unu suol kaaz unu fala di riil mesij we dem tiich bout Krais Jiizas, unu kyan riili lov unu wan aneda. Unu mos aalwiez riili lov unu wan aneda wid aal a unu aat.

1 Jan 5:20

Wi nuo se Jiizas Krais, Gad Bwai Pikni kom an shuo wi di riil Gad. Siek-a Jiizas, wi bilang tu Gad nou — di riil Gad we mek piipl liv fi eva an eva.

Juud 1:21

Tan iina Gad lov an gwaan wiet fi Jiizas kom an mek wi liv fi eva, kaaz a dat im a-go du, kaaz im so gud an kain tu wi.