Iibruu 5:8 - Di Jamiekan Nyuu Testiment

⁸ Iivn duo Krais Jiizas a Gad uona pikni, wen im go chuu sofarieshan im did lorn fi lisn wa Gad se an du wa Gad se fi du.

Iibruu 5:8 ပူးပေါင်းရင်းမြစ်များ

Matyu 3:15

So Jiizas ansa im se, “Rait ya nou, du wa mi aks yu fi du, da wie ya wi wi du aal we Gad waahn wi fi du!” So Jan se aarait den an du it.

Jan 10:18

Nobadi no tek we mi laif fram mi. A mi gi it op miself. Mi av di powa fi gi it we an mi av di powa fi tek it bak. A dis ya mi Faada tel mi fi du.”

Jan 15:10

Ef unu du wa mi tel unu fi du den unu naa go ton we fram di lov mi av fi unu, siem laka ou mi du wa mi Faada tel mi fi du an no ton we fram di lov we im av fi mi.

Jan 4:34

“Fi mi fuud,” Jiizas se tu dem, “a fi du we di wan we sen mi kom ya waahn mi fi du, an fi finish op di wok im gi mi.

Jan 6:38

Kaa mi kom dong fram outa evn fi du wa Gad waahn mi fi du, no fi du mi uona ting.

Filipiyan 2:8

An wen im du dat, im ombl imself an du aal we Faada Gad did waahn im fi du — im aal gi op im laif pan di kraas.

Iibruu 1:2

Bot iina dem laas die ya, im yuuz im Bwai Pikni fi taak tu wi. Im pik im, an kom gi im evriting. Gad pik im tu, so Gad kuda mek di worl.

Iibruu 1:5

Kaaz wich wan a di ienjel dem Gad eva se dis tu, iihn, “Yu a fi mi Bwai Pikni; tide mi ton fi yu faada”? Ar wich wan a dem im eva se dis bout, “Mi a-go ton fi'im faada, an im a-go ton fi mi Bwai Pikni”?

Iibruu 1:8

Bot dis a wa im se bout di Bwai Pikni, “Uo Gad! Yu a-go ruul fi eva an eva! An yu a-go ruul di rait wie fi chuu.

Iibruu 3:6

Bot Krais Jiizas, im a Gad Bwai Pikni. Gad put im inchaaj an im tek kier a Gad piipl dem an du wa Gad tel im fi du, jos laka ou wan bwai pikni we aalwiez du we im mada an faada tel im fi du wuda luk aafa dem ous an fambili. An ef wi uol aan chrang an gwaan luk tu Gad laik we wi buos bout aal di wail, den wi a paat a Gad piipl.