Iibruu 5:13 - Di Jamiekan Nyuu Testiment

¹³ Enibadi we liv pan milk, no riili nuo wa rait fram rang, kaaz dem a stil biebi.

Iibruu 5:13 ပူးပေါင်းရင်းမြစ်များ

1 Piita 2:2

An jos laik ou yong biebi no waahn notn bot dem mada milk, a siem so unu fi wel waahn Gad wod — dat a fi unu milk. Da wie de, unu naa go jos get siev an a it dat, bot unu wi gruo,

1 Korintiyan 14:20

Breda an sista no tingk laik se unu a pikni, unu fi tingk laik se unu a big piipl. Onggl gwaan laik pikni wen it kom tu wikidnis kaaz pikni no du no iip a wikid sitn.

2 Timoti 3:16

Evri wod we iina Gad wod kom fram Gad. An da Wod de gud fi tiich piipl an fi put piipl iina dem plies wen dem staat se tingz we no iina Gad wod. It gud fi karek piipl an fi tiich dem ou fi liv rait.

Ifiijan 4:14

Wen da taim de kom, wi naa go komiin laik likl pikni we iizi fi get fuul op. Wi naa go komiin laik wan likl buot we di sii pich aal bout, ar we briiz bluo aal uova di plies. No laiyad, jinal tiicha kyaahn kom chrik wi ar fuul wi op.

1 Korintiyan 3:1

Breda an sista, bifuo mi kudn taak tu unu laik ou mi wuda taak tu piipl we av Gad Spirit a kanchuol dem. Mi did afi taak tu unu laik piipl we mek dem badi kanchuol dem — mi did afi taak tu unu laik se unu a biebi we no andastan di sitn dem bout Gad.

2 Korintiyan 3:9

So ef di Laa we sen piipl fi ded did kom wid da powaful lait de, di Nyuu Diil we kyan siev piipl no mos kom wid wan muo powaful lait.

1 Korintiyan 13:11

Wen mi a did pikni, mi taak laik mi a pikni an mi tingk an gwaan laik ou pikni fi gwaan. Bot wen mi ton man mi tap gwaan laik pikni.

Maak 10:15

Mi a tel unu dis ya, an a chuu mi a taak, enibadi we no chos iina Gad an fala im laik wan likl pikni naa go kyan go iina Gad kindom.”

Matyu 11:25

Da taim de, Jiizas se, “Faada, a yu ron evriting iina evn an pan ort, mi priez yu. Mi priez yu kaa yu aid dem sitn ya fram piipl we tingk se dem brait an av nof sens, bot yu shuo lili pikni dem.

Ruoman 2:20

Kaaz unu nuo di Laa unu fiil se unu nuo an andastan evriting an dat evriting we unu se a chuu sopm. An siek-a dat unu fiil se unu kyan karek di piipl dem we no nuo rait fram rang an unu kyan tiich di piipl dem we no nuo di chuut.

2 Jan 1:11

Ef unu mek dem tingk se unu api fi av dem roun unu, unu an dem gilti a di siem wikidnis.