Iibruu 5:12 - Di Jamiekan Nyuu Testiment

¹² Kaaz wen unu shudaana tiich ya nou, unu niid sumadi fi tiich unu uova di fos sitn dem we Gad se. Unu ton piipl we niid milk; unu kyaahn nyam aad fuud!

Iibruu 5:12 ပူးပေါင်းရင်းမြစ်များ

Iibruu 6:1

So, mek wi muuv op man, an muuv paas di sitn dem we wi don tiich unu bout Krais Jiizas. Mek wi gruo paas dem sitn de, so wi kyan tiich unu siem laka ou wi wuda tiich piipl we chrang iina wa dem biliiv iina. Wi shudn afi tiich unu agen se piipl fi beg Gad paadn, chienj dem wiez an tap du di sitn dem we naa riili elp dem at aal, an dat dem fi biliiv iina Gad. Wi tiich unu dem sitn de wen unu did jos staat fala Jiizas.

1 Piita 2:2

An jos laik ou yong biebi no waahn notn bot dem mada milk, a siem so unu fi wel waahn Gad wod — dat a fi unu milk. Da wie de, unu naa go jos get siev an a it dat, bot unu wi gruo,

Iibruu 5:13

Enibadi we liv pan milk, no riili nuo wa rait fram rang, kaaz dem a stil biebi.

Koloshan 3:16

An unu fi gwaan mek di mesij bout Krais Jiizas liv iina unu aat an bles unu iina evri wie. So tiich an waan unu wan aneda. Du it laik unu av sens, an du it wid Saamz, di im dem an di sang dem we Gad Spirit gi unu fi sing. Sing tu Faada Gad wid aal a unu aat an gi im tangks.

Matyu 17:17

Jiizas se, “Unu piipl we liv iina da taim ya! Unu no biliiv an unu no du we unu fi du. Umoch langga mi afi tan ya wid unu? Umoch langga mi afi put op wid unu? Kyari di bwai kom tu mi.”

1 Piita 4:11

So ef Gad mek non a unu fi priich — unu fi priich laik se a Gad wod itself unu a taak. Aal a uu fi sorv, fi sorv wid di chrent an powa we Gad gi unu. Da wie de Gad wi get di priez iina evriting wi du siek-a Jiizas Krais. Aal a di ana, priez an powa a fi Gad, tide, tumaro an fi eva! Iemen.

1 Korintiyan 14:19

Bot wen choch a kip mi wuda prefa fi se faiv wod we piipl kyan andastan an lorn fram dan fi go se ten touzn wod iina tongz.

Ruoman 3:2

An mi wuda tel dem se it gud fi bi wan Juu, a nof difrant sitn wi get, we elp wi iina nof difrant wie. Fos, a wi Gad did gi im Wod tu — a wi im chos wid im mesij.

Aks 7:38

Da siem Muoziz ya did de de wid di Izrel piipl we did gyada op iina di dezot. Im did de de wid wi faada faada dem an wid di ienjel we did taak tu im pan Mount Sainai. An a im did get Gad wod, di Wod we laas fi eva, an a im kyari it kom gi wi.

Maak 9:19

Jiizas se tu dem se, “Unu piipl iina da taim ya! Unu no biliiv! Umoch langga mi afi tan ya wid unu? Umoch langga mi afi put op wid unu? Kyari di bwai kom tu mi.”

Filipiyan 3:1

Mi breda an sista, dem ya a di laas sitn dem we mi av fi se. Mi prie se Krais Jiizas wi mek unu wel api. A no notn fi mi rait tu unu bout di siem sitn dem uova an uova agen. Matarafak, dem wi elp kip unu sief tu.

1 Korintiyan 14:20

Breda an sista no tingk laik se unu a pikni, unu fi tingk laik se unu a big piipl. Onggl gwaan laik pikni wen it kom tu wikidnis kaaz pikni no du no iip a wikid sitn.

Gyalieshan 4:3

So yu si wi, wi a laik da pikni de. Wen wi did yong, di spirit dem we did av kanchuol uova di worl did av wi laik sliev.

Iibruu 5:11

A uol iip wi av fi se bout dem sitn ya we wi a taak bout. Bot it aad fi brok it dong tu unu kaaz unu jos naa andastan.

Iibruu 10:32

Bot unu fi memba iina di paas wen unu did jos andastan Gad wie, di sofarieshan we unu did afi go chuu, bot unu uol aan an kot chuu siem wie.