Iibruu 5:11 - Di Jamiekan Nyuu Testiment

¹¹ A uol iip wi av fi se bout dem sitn ya we wi a taak bout. Bot it aad fi brok it dong tu unu kaaz unu jos naa andastan.

Iibruu 5:11 ပူးပေါင်းရင်းမြစ်များ

Matyu 13:15

Kaaz dem piipl ya aat get tof, an dem kyaahn lorn notn. Dem aad-iez, an dem yai lak op tu. So dem kyaahn si notn wid dem yai an dem kyaahn ier notn wid dem iez, an dem aat naa andastan notn niida, ar dem wuda ton tu mi, an mi wuda siev dem.’

Maak 8:21

So Jiizas se tu dem se, “So a andastan unu stil no andastan?”

Luuk 24:25

Jiizas se tu dem se, “Ou unu fuul-fuul so, unu aat so tof unu no waahn fi biliiv aal a wa di prafit dem se!

Jan 16:12

“Mi av nof muo sitn fi se tu unu, muo dan unu kyan tek iin rait ya nou.

Jan 6:6

(Jiizas did nuo we im did a-go du aredi, bot im se dat tu Filip kaa im did waahn fi fain out wa im wuda se.)

Aks 28:27

Kaaz dem piipl ya blak dem main, brok tik iina dem iez, an lak dem yai dem, so dem kyaahn si wid dem yai dem, ar ier wid dem iez dem an andastan wid dem main, an ton we fram wa rang, an mi wuda iil dem.’

Iibruu 5:10

Kaaz Gad pik im fi ton di liida fi di priis dem laik Melkezidek.

Iibruu 5:12

Kaaz wen unu shudaana tiich ya nou, unu niid sumadi fi tiich unu uova di fos sitn dem we Gad se. Unu ton piipl we niid milk; unu kyaahn nyam aad fuud!

2 Piita 3:16

A di siem sitn im se iina aal a im leta dem, wen im rait bout dem sopm ya. Yu av som sitn iina im leta dem we aad fi andastan, an piipl we neva lorn bout dem an ada piipl we no diip diip iina Gad, dem tek dem sopm de an twis dem roun, siem laik ou dem twis roun ada paat a Gad wod. Bot a chobl dem a kaal dong pan demself wen dem du dem sitn de.