Iibruu 5:1 - Di Jamiekan Nyuu Testiment

¹ A pik Gad pik evri wan a di liida fi di priis dem fram mongks dem uona piipl, so dem kuda kom tu Gad fi di piipl dem. An so, dem kyan kom gi Gad aafrin an bon sakrifais gi im fi di piipl dem sin.

Iibruu 5:1 ပူးပေါင်းရင်းမြစ်များ

Ruoman 15:17

So kaaz mi an Krais Jiizas a wan, mi kyan proud a di wok we mi a du fi Gad.

1 Korintiyan 15:3

Kaaz mi tel unu di muos impuotant paat a di mesij siem laik ou Gad tel mi. Mi tel unu se Jiizas Krais kom an ded fi wi an siev wi fram wi sin dem jos laik ou Gad wod did se im wuda du it

Iibruu 10:11

An aal a di priis dem tan de die afta die, a sorv an a gi op di siem sakrifais uova an uova — an dem de sakrifais kyaahn tek we sin.

Iibruu 10:12

Bot wen da priis ya gi onggl wan sakrifais, an da sakrifais ya kova evriting, im go sidong saida Gad, pan im rait-an-said.

Iibruu 11:4

A kaaz Iebl chos iina Gad mek im bon wan beta sakrifais gi Gad dan Kien. A kaaz im chos iina Gad mek Gad se im api wid im, an se im a sumadi we du di rait sitn dem. An siek-a di chos we im chos iina Gad, im stil a chat iivn duo im ded, kaaz wa Iebl did du stil a sen wan mesij tu wi.

Iibruu 2:17

So siek-a aal a dem sitn de nou, im did afi ton laik im breda an sista dem we de pan ort. Im did afi ton laik dem iina evri wie. Da wie de, az Gad elpa, im kuda ton wan liida fi di priis dem we Gad kyan chos, an im wi gud an kain tu piipl kaaz im andastan we dem a go chuu. An im kuda kom tek we di piipl dem sin tu.

Iibruu 7:27

Im no tan laik di ada liida dem fi di priis dem we afi bon sakrifais fi fi dem uona sin an den fi di piipl dem sin die afta die afta die. Nuo sa! Im sakrifais imself gi Gad wan taim, fi evribadi, an a it dat.

Iibruu 8:3

Evri liida fi priis afi gi aafrin plos bon sakrifais gi Gad. So da wan ya did afi av sopm fi gi Gad tu.

Iibruu 8:4

Nou, ef im did de pan ort im wudn ton liida fi priis at aal, kaaz yu don av liida fi priis aredi we gi di aafrin we di laa se fi gi.

Iibruu 9:9

Di tent pan ort a wan sain we shuo wa did a gwaan da taim de. It shuo se aal a di gif an sakrifais we piipl yuus tu kyari go gi Gad wen dem a worship im kudn set dem kanchens frii.