Iibruu 4:9 - Di Jamiekan Nyuu Testiment

⁹ So jos laik ou Gad did res pan die sevn, afta im did don mek di worl, a so wan Sabat res stil de de fi Gad piipl dem.

Iibruu 4:9 ပူးပေါင်းရင်းမြစ်များ

1 Piita 2:10

Wan taim unu a neva Gad piipl bot nou unu a fi im uon. Im neehn yuus tu av piti pan unu bot nou im gud an kain tu unu.

Revilieshan 21:4

Gad a-go waip dem fies an jrai op aal a dem yai-waata. Nobadi naa go ded agen, so nobadi naa go ala ar baal. An nobadi naa go fiil no pien, kaaz dem uol taim sitn de don we wid.”

Iibruu 4:3

Nou wi we biliiv a-go get di kain-a piis iina wi aat we Gad gi an wi a-go get fi go iina di plies we wi kyan jos res. Jos laik wa im se, “Mi did get beks bad an mi pramis se, ‘Dem naa go get di kain-a piis iina dem aat laik we mi a-go gi mi piipl dem an dem naa go get fi go iina di plies we dem kyan jos res!’ ”. Gad se dis iivn duo wa im did a plan fi du did don aredi — Gad wok don fram di taim im mek di worl.

Iibruu 4:1

So wi fi mek shuor se Gad no pramis fi gi wi piis an res an wi en op no get it kaaz wi gilti a sopm.

Iibruu 11:25

Im did prefa fi sofa wid Gad piipl dem, dan fi go av fon fi wan likl wail an miks op iina sin.

Iibruu 3:11

So mi get beks bad an swier se, ‘Dem wi neva eva kom get da piis de we mi gi; dem naa go eva get fi kom a da plies de we dem kyan jos res!’ ”

Taitos 2:14

Im a di wan we gi op im laif fi siev wi fram aal kain-a wikidnis an mek wi kliin so wi kuda bi im piipl; piipl we eva a chrai fi du gud.

Matyu 1:21

Shi a-go av wan bwai pikni an yu fi kaal im Jiizas, kaa im a-go siev im piipl dem fram dem sin.”

Iibruu 4:8

Kaaz ef Jashwa did liid di piipl dem an mek dem get fi res, Gad wudn taak bout wan neda die afta dat.

Iibruu 4:10

Kaaz di wan we get fi res ou Gad mek piipl res, im did res tu an no du no wok, jos laik ou Gad did res wen im did don fi im wok.

Revilieshan 14:13

Den mi ier wan vais fram evn se tu mi se, “Rait dong dis: fram nou aan, di piipl dem we ded an dem an di Laad a wan, a dem bles.” Di Spirit se, “Yes, dem aad wok don, an dem a res nou, an aal a di sitn dem wa dem did du wi taak fi dem.”