Iibruu 4:6 - Di Jamiekan Nyuu Testiment

⁶ So, som piipl stil kyan get di piis iina dem aat we Gad pramis fi gi im piipl dem an fi res laik ou im pramis, bot di wan dem we did ier di Gud Nyuuz priich, dem neehn get dat, kaaz dem neva du wa dem did fi du.

Iibruu 4:6 ပူးပေါင်းရင်းမြစ်များ

Matyu 21:43

“A dat mek mi tel unu se Gad kindom a-go tek we fram unu an gi di piipl dem we a-go bier fruut.

Aks 28:28

“So mi waahn unu fi nuo se Gad mesij bout ou im a-go siev piipl a-go go tu di piipl dem we a no Juu. Dem wi lisn!”

1 Korintiyan 7:29

Wa mi a chrai fi se breda an sista, a dat taim shaat — Krais Jiizas suun kom bak. So fram nou aan, aal a unu we av waif fi sorv Gad so til it komiin laik se unu no av no waif.

Gyalieshan 3:8

Gad did av a plan fi mek tingz rait bitwiin im an di piipl dem we a no Juu. Ef dem biliiv iina im, im wuda siev dem an tek we dem sin. Dis a did di gud nyuuz we Gad tel Iebriyam fram wie bak wen an we rait dong iina Gad wod. Gad tel Iebriyam se, “Piipl fram aal difrant konchri a-go get bles siek-a wa yu du.”

Iibruu 4:11

So wi fi chrai aad aad fi mek shuor se wi get da kaina res de we Gad gi, so nobadi no mis di chaans fi get it kaaz dem go du di sed sitn dem we dem faada faada did du — no lisn Gad an no du wa im se dem fi du.

Iibruu 4:2

Kaaz wi did ier di Gud Nyuuz priich jos laik ou di Izrel piipl dem did ier it tu. Bot di wod we priich neehn elp dem at aal at aal kaaz dem neehn biliiv laik di res a piipl dem we did ier it.

Iibruu 4:9

So jos laik ou Gad did res pan die sevn, afta im did don mek di worl, a so wan Sabat res stil de de fi Gad piipl dem.