Iibruu 4:11 - Di Jamiekan Nyuu Testiment

¹¹ So wi fi chrai aad aad fi mek shuor se wi get da kaina res de we Gad gi, so nobadi no mis di chaans fi get it kaaz dem go du di sed sitn dem we dem faada faada did du — no lisn Gad an no du wa im se dem fi du.

Iibruu 4:11 ပူးပေါင်းရင်းမြစ်များ

Iibruu 3:18

An a uu Gad swier se naa go eva kom get di piis we im gi, an naa go eva get fi kom a di plies we dem kyan jos res, iihn? Ef a neva di wan dem we neehn lisn im an du wa im se dem fi du, den a uu?

Luuk 13:24

“Chrai unu bes fi go chuu di naro duor. Nof sumadi a-go chrai fi go iin bot naa go get iin.

Iibruu 6:11

Muo dan notn els, wa wi waahn unu fi du, a gwaan du di sitn dem we unu a du wid aal a unu aat til unu ded. Da wie de, unu wi en op get di sitn dem we unu a luk faawod tu; di sitn dem we Gad av fi unu.

Ifiijan 5:6

Unu no fi mek nobadi chrik unu wid wod we no mek no sens. Gad beks wid piipl we taak dem sitn de, an im gweehn ponish aal a uu chat fuulinish an no du we im se.

Iibruu 3:12

Mi breda an sista, mek shuor se non a unu no av aat we so wikid dat unu no biliiv iina di Gad we alaiv — di siem wan we mek piipl liv.

Taitos 1:16

Dem se dem nuo Gad, bot dem no gwaan laik se dem nuo im. Dem de kain-a piipl de sik Gad tumok. Dem no du wa im se an dem so woklis dat dem kyaahn du notn gud.

Filipiyan 2:12

So mi gud fren, unu si siem laik ou unu aalwiez du we Gad waahn unu fi du, no onggl wen mi de de wid unu bot wos laik ou mi no de de, gwaan du di sitn dem we wi mek piipl si se Gad siev unu an unu av nof rispek fi im iina evriting we unu a du.

Taitos 3:3

Kaaz wan taim wi yuus tu fuul-fuul tu, wi neva waahn fala notn we nobadi se an wi a did sliev tu aal a di wikid sitn dem we wi waahn. Evridie wi beks wid wi wan aneda an wi eva waahn wa sumadi els av. Aal wi du a iet: wi iet evribadi an evribadi iet wi.

Koloshan 3:6

Siek-a aal a dem sitn ya, Gad beks bad an im a-go ponish aal a uu a miks op iina dem an naa fala wa im se.

Aks 26:19

“So King Agripa, di wan we kom fram evn we mi si iina mi vijan, mi du wa im se.

Luuk 16:16

“Bifuo Jan kom piipl did afi fala Muoziz Laa an wa di prafit dem rait dong. Bot sins im kom an di gud nyuuz bout Gad kindom a priich siem wie, evribadi a fait fi get iin de.

Matyu 11:12

Fram Jan a priich til nou, wikid piipl a chrai fait gens Gad kindom an powaful piipl chrai fi fuos an tek it uova.

Matyu 7:13

“Go chuu di naro giet, kaa di wan we waid an iizi fi go chuu dat tek unu chriet dong a el, an a dong de-so unu wi don fi eva. An a wol iip a piipl go chuu dat de giet.

Ifiijan 2:2

Dem taim de unu yuus tu du di wikid sitn dem we di worliyan dem du. Unu yuus tu fala di wan we ruul an av powa iina di skai, di spirit we a wok iina di piipl dem we ton we fram wa Gad waahn dem fi du.

Jan 6:27

No wok fi fuud we kyan pwail an we naa go laas no taim. Wok fi di kain-a fuud we a-go mek unu liv fi eva, a dat de fuud di Man we Gad Pik gweehn gi unu. Faada Gad put im speshal maak pan im fi shuo se im av di rait fi du we im du.”

Iibruu 4:6

So, som piipl stil kyan get di piis iina dem aat we Gad pramis fi gi im piipl dem an fi res laik ou im pramis, bot di wan dem we did ier di Gud Nyuuz priich, dem neehn get dat, kaaz dem neva du wa dem did fi du.

2 Piita 2:6

an ef im fling jojment pan tuu siti, Sadam an Gomaro an bon dem dong a grong, an yuuz dem fi waan piipl an mek dem si a wa a-go riich piipl we no bizniz wid im an we no lisn im,