Iibruu 4:1 - Di Jamiekan Nyuu Testiment

¹ So wi fi mek shuor se Gad no pramis fi gi wi piis an res an wi en op no get it kaaz wi gilti a sopm.

Iibruu 4:1 ပူးပေါင်းရင်းမြစ်များ

Matyu 24:48

Bot ef da sorvant de wikid an go aal se tu imself se, ‘Mi maasta naa kom bak fi nou.’

Aks 3:19

So ton we fram unu sin, beg Gad paadn an kom bak tu im, so dat im wi tek we unu sin dem.

Ruoman 11:20

Nou dat a di chuut. Dem did get brok aaf kaaz dem neva biliiv bot kaaz unu biliiv unu a go tan wich paat unu de. Bot no mek dat get tu unu ed, insted-a dat unu beta wach unuself!

Ruoman 3:23

Kaaz evribadi du rang — evribadi a sina. Gad did mek wi laik im an wi did fi tan laik im bot siek-a sin dat neehn apm.

1 Korintiyan 10:12

So ef yu tingk se yu a tan op chrang, yu beta wach yuself so dat yu no jrap dong.

2 Korintiyan 6:1

So sins wi wok wid Gad, wi a beg unu, im so gud an kain tu unu, no mek it kom tu notn, no bada wies it.

Gyalieshan 5:4

Yu si di wan dem we gaan bak gaan fala di Laa an tingk se dat a-go mek tingz rait bitwiin dem an Gad — dem kot aaf demself fram Krais Jiizas. Unu a mek it so dat Gad naa go kyan gud an kain tu unu.

2 Timoti 2:13

Ef wi ton wi bak pan im, im stil naa ton im bak pan wi. Kaaz Jiizas Krais kyaahn gwaan laik im no nuo uu im bi.

Iibruu 12:15

Gad lov wi iivn duo wi no dizorv it, so mek shuor se nobadi no ton dem bak pan wa im du fi dem. An mek shuor se nobadi no galang laik bita ruut we gruo kom ton bita chrii. Dem piipl de wi kom kom mek chobl an brok out wan bag a piipl. Mek shuor se dat no apm.

Iibruu 12:25

Wach out an mek shuor se unu no ton unu bak pan di wan we a chat! Kaaz ef dem neehn get we wen dem did ton dem bak pan di wan pan ort we waan dem, unu tingk se wi a-go get we ef wi ton wi bak pan di wan fram evn we a waan wi?

Iibruu 13:7

Memba unu liida dem we tel unu bout Gad wod. Tingk bout wa did apm siek-a ou dem liv dem laif, an chos iina Gad jos laik dem.

Iibruu 3:11

So mi get beks bad an swier se, ‘Dem wi neva eva kom get da piis de we mi gi; dem naa go eva get fi kom a da plies de we dem kyan jos res!’ ”

Iibruu 4:11

So wi fi chrai aad aad fi mek shuor se wi get da kaina res de we Gad gi, so nobadi no mis di chaans fi get it kaaz dem go du di sed sitn dem we dem faada faada did du — no lisn Gad an no du wa im se dem fi du.

Iibruu 4:9

So jos laik ou Gad did res pan die sevn, afta im did don mek di worl, a so wan Sabat res stil de de fi Gad piipl dem.