Iibruu 3:6 - Di Jamiekan Nyuu Testiment

⁶ Bot Krais Jiizas, im a Gad Bwai Pikni. Gad put im inchaaj an im tek kier a Gad piipl dem an du wa Gad tel im fi du, jos laka ou wan bwai pikni we aalwiez du we im mada an faada tel im fi du wuda luk aafa dem ous an fambili. An ef wi uol aan chrang an gwaan luk tu Gad laik we wi buos bout aal di wail, den wi a paat a Gad piipl.

Iibruu 3:6 ပူးပေါင်းရင်းမြစ်များ

2 Korintiyan 6:16

Faalz gad kyan de iina Gad choch? Unu badi a di ous fi di Gad we kyaahn ded. Gad imself se: “Mi wi liv iina dem aat an mi wi waak wid dem. Mi wi bi dem Gad an dem a-go bi mi piipl.”

1 Korintiyan 3:16

Unu no nuo se unu badi a Gad ous an dat im Spirit a liv iina unu?

1 Piita 2:5

So unu fi kom tu di Laad laik stuon we a liv tu. An mek Gad Spirit yuuz unu fi bil op Gad ous. Iina da ous de unu a-go bi wan gruup a priis fi Gad — an fi Gad wan. An unu a-go bon sakrifais we Gad Spirit se unu fi bon, an im wi tek da sakrifais de siek-a wa Jiizas Krais du.

Iibruu 10:35

So no bada gi op. Gwaan uol tait, kaaz siek-a dat unu a-go get som blesn de!

Iibruu 6:11

Muo dan notn els, wa wi waahn unu fi du, a gwaan du di sitn dem we unu a du wid aal a unu aat til unu ded. Da wie de, unu wi en op get di sitn dem we unu a luk faawod tu; di sitn dem we Gad av fi unu.

1 Korintiyan 6:19

Unu no nuo se unu badi a di ous fi di Uoli Spirit we Gad gi unu? Unu no de pan unu uon.

Iibruu 10:23

Mek wi uol aan chrang an gwaan biliiv se wi a-go get di sitn dem we Gad se im a-go gi wi — a dat wi tel di worl se wi biliiv. So mek wi uol aan pan dat an no staat tingk sitn els. A Gad pramis wi, an wat-eva im pramis fi du, im a-go du fi chuu.

Iibruu 4:11

So wi fi chrai aad aad fi mek shuor se wi get da kaina res de we Gad gi, so nobadi no mis di chaans fi get it kaaz dem go du di sed sitn dem we dem faada faada did du — no lisn Gad an no du wa im se dem fi du.

Iibruu 3:14

Kaaz wi an Krais Jiizas, wi staat wok tugeda ef wi gwaan uol aan an chos iina im no mata wa, laik ou wi yuus tu du wen wi did fos staat biliiv iina im.

Revilieshan 3:11

Mi suun kom so eng aan pan we unu av so dat nobadi kyaahn tek we unu kroun.

Iibruu 4:14

Wi av wan liida fi di priis dem we a di bigis wan outa aal a di liida dem fi priis. Im go we Gad de — dat a Jiizas, Gad Bwai Pikni. So laik ou im a fi wi liida fi priis, di uol a wi we se wi biliiv iina im fi uol aan chrang chrang an gwaan biliiv siem wie.

Iibruu 1:2

Bot iina dem laas die ya, im yuuz im Bwai Pikni fi taak tu wi. Im pik im, an kom gi im evriting. Gad pik im tu, so Gad kuda mek di worl.

1 Timoti 3:15

In kies sitn uol mi bak mi a rait fi mek yu nuo ou piipl we a paat a Gad fambili mos biyiev. Gad fambili a di choch an di choch a fi Gad we liv fi eva an eva. Di choch sopuot an uol op di chuut jos laik ou di foundieshan an di kaana puos uol op wan bildin.

Koloshan 1:23

A so it go, ef unu riili uol aan chrang an gwaan chos iina im, an ef unu no tap luk faawod tu di gud sitn dem unu ier bout wen unu ier di Gud Nyuuz. Piipl pred da Gud Nyuuz de aal uova di worl. An mi, Paal, mi ton Gad sorvant, so mi kyan pred di Gud Nyuuz tu.

Matyu 10:22

An evribadi a-go iet unu kaaz unu fala mi. Bot enibadi we uol aan tait an tan op chrang til di sofarieshan don, Gad a-go siev dem piipl de.

1 Tesaluoniyan 5:16

Unu fi tan api aal di taim.

Ruoman 15:13

Mi prie se Gad, Gad we kaaz piipl fi luk fa an nuo fi shuor se dem wi get wa im pramis, mi prie se im wi gi unu piis iina unu aat an mek unu aat api, api kyaahn don kaaz unu biliiv iina im. Mi prie se im du dat, so dat di Uoli Spirit wi kaaz unu muor an muor fi luk fi get di sitn dem we Gad pramis an nuo fi shuor se yu wi get dem.

Matyu 24:13

Bot aal uu eng aan an tan op chrang no mata wa, a dem a-go get siev.

Revilieshan 2:25

Mi onggl waahn unu fi eng aan pan wa unu av til mi kom.

Revilieshan 2:18

“Rait da leta ya sen go gi di liida fi di choch we iina Taiyataira. Tel im se: Faada Gad Bwai Pikni, di wan uufa yai dem shain brait laik wan faiya we a bliez, uufa fut dem shain brait laik branz we dem bon iina faiya fi get out aal wa no fi iina it an we dem rob til it shain shain, im se,

2 Tesaluoniyan 2:16

Nou, wi prie tu wi Laad Jiizas Krais imself an wi Faada Gad — Gad lov wi an no tap gi wi gud wod fi mek wi aat chrang, an im mek wi kyan luk faawod tu som gud sitn tu we im pramis fi gi wi, duo wi no dizorv dem at aal at aal.

Ruoman 5:2

Aal a di gud sitn dem we wi a get fram Gad an we wi no dizorv, wi a get dem siek-a wa Jiizas Krais did du an kaaz wi biliiv. An wi wel api kaaz wi nuo fi shuor se Gad a mek wi muor an muor laik im.

1 Piita 1:8

Unu neva si Jiizas yet, bot unu lov im siem wie; an iivn duo unu kyaahn si im nou wid unu yai dem, unu stil biliiv an chos iina im. An no wod no de we kyan mek piipl riili nuo ou glad an api unu bi!

Gyalieshan 6:9

So mek wi no get taiyad fi du gud, kaaz ef wi no gi op, wen Gad redi, im wi mek wi riip nof gud sitn.

Ruoman 11:22

Unu fi tek nuot a dis! Gad kain bot im aad tu. Di piipl we sin an tap biliiv iina im, im chriit dem aad, bot im kain tu unu, an im wi gwaan kain tu unu ef unu gwaan chos iina im. Bot ef unu tap chos iina im, im wi kot unu aaf tu.

Matyu 16:18

An ier wa mi a se no, yu a Piita, wan rak. An a pan dis ya rak mi a-go bil fi mi choch, an no powa dong a el naa go kyan mash dat op.

Ruoman 12:12

Wail unu wiet fi di sitn dem we Gad pramis fi gi unu, unu mos api kaaz unu nuo se unu a-go get it. Wen chobl tek unu, unu no fi gi op bot unu mos gwaan uol chrang an unu fi prie aal di taim, neva tap.

Gyalieshan 6:10

So wen-eva wi av di chaans fi du gud, mek wi du it. Mek wi du gud fi evribadi, wos ef dem a paat a Gad fambili an biliiv iina Jiizas laik wi.

Ifiijan 3:12

Siek-a Jiizas an kaaz wi chos iina im, im mek wi kyan kom tu Gad frii an no fried a notn.

Iibruu 4:16

So mek wi go tu di wan we shuo wi lov iivn duo wi no dizorv it, an no bada if-an-bot an galang laik wi fried, so im we gud an kain, wi kain tu wi an shuo wi lov iivn duo wi no dizorv it an elp wi enitaim wi niid di elp.

Iibruu 6:18

Gad du tuu sitn we kyaahn chienj, kaaz wi nuo se Gad kyaahn lai. Im du dem tuu sitn de, so wi we ron tu im fi kip sief, wi wi fiil laik wi kyan uol aan chrang kaaz wi nuo fi shuor se wi a-go get di sitn dem we im pramis fi gi wi.

Iibruu 7:19

Kaaz di laa kudn mek notn ton aal we it fi ton. Bot nou Gad gi wi sitn beta fi luk faawod tu an dat bring wi kluos tu im.

Iibruu 10:19

So mi breda an sista, laik ou wi frii fi go iina di Uoliyis Plies siek-a Jiizas blod,

Iibruu 10:21

Plos wi av wan priis we a wan a di bigis wan eva, an a im ruul uova Gad ous.

Iibruu 11:1

Wen wi chos iina Gad it mek wi shuor bout di sitn dem we wi onggl uop se wi a-go get, an wi nuo se di sitn dem we wi kyaahn si, dem de de fi chuu.

1 Piita 4:17

Kaaz jojment taim kom ya nou; an wi we a Gad piipl, a wi it a staat wid fos. So, a wa a-go apm tu aal a di piipl dem we no biliiv Gad Gud Nyuuz?

Revilieshan 2:26

Enibadi we biit di devl an no gi iin tu di sitn dem we im waahn dem fi du, an gwaan du we mi waahn dem fi du til di en a di worl, mi a-go gi dem powa fi ruul uova di piipl dem we liv iina di ada konchri dem.