Iibruu 3:18 - Di Jamiekan Nyuu Testiment

¹⁸ An a uu Gad swier se naa go eva kom get di piis we im gi, an naa go eva get fi kom a di plies we dem kyan jos res, iihn? Ef a neva di wan dem we neehn lisn im an du wa im se dem fi du, den a uu?

Iibruu 3:18 ပူးပေါင်းရင်းမြစ်များ

Iibruu 4:6

So, som piipl stil kyan get di piis iina dem aat we Gad pramis fi gi im piipl dem an fi res laik ou im pramis, bot di wan dem we did ier di Gud Nyuuz priich, dem neehn get dat, kaaz dem neva du wa dem did fi du.

Iibruu 4:2

Kaaz wi did ier di Gud Nyuuz priich jos laik ou di Izrel piipl dem did ier it tu. Bot di wod we priich neehn elp dem at aal at aal kaaz dem neehn biliiv laik di res a piipl dem we did ier it.

Iibruu 3:11

So mi get beks bad an swier se, ‘Dem wi neva eva kom get da piis de we mi gi; dem naa go eva get fi kom a da plies de we dem kyan jos res!’ ”

Jan 3:36

Di sumadi we chos iina im Bwai Pikni a-go liv fi eva, bot di wan we no waahn fi av notn fi du wid im naa go liv, an Gad eva a-go ponish im.”

Ruoman 11:30

A siem so unu we a no Juu, unu neva yuus tu fala wa Gad se, bot Gad mek op im main fi gud an kain tu unu kaaz di Juu dem neva did a fala wa im se.

Iibruu 4:11

So wi fi chrai aad aad fi mek shuor se wi get da kaina res de we Gad gi, so nobadi no mis di chaans fi get it kaaz dem go du di sed sitn dem we dem faada faada did du — no lisn Gad an no du wa im se dem fi du.