Iibruu 3:10 - Di Jamiekan Nyuu Testiment

¹⁰ A dat mek mi did beks so wid da jinarieshan de, an mi se, ‘Fi dem aat eva a chrie, dem no waahn liv ou mi se dem fi liv an dem naa fala di wie we mi shuo dem.’

Iibruu 3:10 ပူးပေါင်းရင်းမြစ်များ

Matyu 20:24

Nou wen di ada ten falara dem ier dis, dem did beks wid di tuu breda dem.

Maak 3:5

Jiizas luk roun pan dem an im did wel beks an it bon im fi si ou dem aad-iez. So im se tu di man se, “Chrech out yu an.” Di man chrech out im an, an im an get beta.

Jan 8:45

Bot chuu mi tel unu di chuut, unu no biliiv iina mi.

Ruoman 1:28

Dem nuo di chuut bout Gad bot dem mek op dem main se dem naa biliiv it. So Gad lef dem fi du aal a di sitn dem we dem doti main tel dem fi du im lef dem fi du di sitn dem we dem no fi du.

Ruoman 3:7

Nou som piipl mait-a se, “ef wen wi du rang an no fala we Gad se, wi a elp ada piipl fi si klier klier se Gad a di chuut an im aalwiez du we im se im wi du, an siek-a dat dem staat priez im, ou kom Gad stil a joj wi laik se wi a sina?”

Ifiijan 4:30

No du notn fi mek Gad Uoli Spirit afi baal. A im liv iina unu an put im speshal maak pan unu fi shuo se unu bilang tu Gad an se wan die Gad a-go frii unu kaaz a dat im siev unu fa.

Iibruu 3:12

Mi breda an sista, mek shuor se non a unu no av aat we so wikid dat unu no biliiv iina di Gad we alaiv — di siem wan we mek piipl liv.