Iibruu 2:8 - Di Jamiekan Nyuu Testiment

⁸ Yu mek im av powa uova evriting.” An wen yu mek im inchaaj a evriting, dat miin se notn no de we im naa no kanchuol uova. Bot rait ya nou, wi no si se a im kanchuol evriting.

Iibruu 2:8 ပူးပေါင်းရင်းမြစ်များ

Matyu 28:18

Den Jiizas kom kom se tu dem se, “Gad gi mi powa uova evriting we a liv iina evn an pan ort.

Jan 13:3

Nou, Jiizas did nuo se di Faada did gi im powa uova evriting, dat a Gad im kom fram, an dat a Gad im a go bak tu,

Jan 3:35

Di Faada lov im Bwai Pikni, an im gi im powa uova evriting.

1 Korintiyan 15:27

Kaaz iina Gad wod it se, “Im put evriting anda im fut — im ruul uova evriting.” Bot wen dem se “evriting,” dem naa taak bout Gad tu. A Gad mek Jiizas ruul uova evriting an put im enimi dem anda im fut.

Iibruu 1:13

Wich wan a di ienjel dem Gad eva se dis tu: “Sidong rait saida mi, a mi rait an, an kom ruul uova evriting. Sidong de til mi mek yu enimi dem kom ben dong infronta yu, mek yu kak op yu fut pan dem”?

Iibruu 1:2

Bot iina dem laas die ya, im yuuz im Bwai Pikni fi taak tu wi. Im pik im, an kom gi im evriting. Gad pik im tu, so Gad kuda mek di worl.

Iibruu 2:5

Kaaz di worl we a-go kom — di worl wi a taak bout nou, im neehn mek ienjel kanchuol it.

1 Piita 3:22

Jiizas Krais de iina evn nou an im de saida Gad rait an. Im av kanchuol uova aal a di ienjel dem, an di spirit dem we ruul an av powa.

Revilieshan 1:18

Mi alaiv! Mi did ded wan taim, bot luk, nou mi a liv fi eva! Mi av di kii an di powa fi uopm ar lak op di plies we di ded piipl dem de, an mi kyan mek dem kom bak alaiv.

Revilieshan 1:5

An mi prie se Jiizas Krais, di wan we aalwiez taak di chuut bout Gad, wi gud an kain tu unu an gi unu piis iina unu aat. Im a di fos wan fi ded an kom bak alaiv, an a im ruul uova aal a di king dem we de pan ort. Jiizas a di wan we lov wi an a im frii wi fram wi sin dem wid im blod wen im ded pan di kraas.