Iibruu 13:7 - Di Jamiekan Nyuu Testiment

⁷ Memba unu liida dem we tel unu bout Gad wod. Tingk bout wa did apm siek-a ou dem liv dem laif, an chos iina Gad jos laik dem.

Iibruu 13:7 ပူးပေါင်းရင်းမြစ်များ

Matyu 24:45

“So den, a uu a di waiz sorvant we di maasta kyan chos fi dwi'im wok? Uu a di wan we di maasta put inchaaj a im uol ous, an mek shier out di sorvant dem fuud wen a taim fi dem nyam?

Luuk 12:42

Di Laad ansa im se, “Uu a di manija we di maasta kyan chos an dipen pan? A dat de wan im a-go put inchaaj a im sorvant dem, fi gi dem fi dem shier a di fuud wen di rait taim kom.

Luuk 5:1

Wan die, Jiizas did tan op a liek Genesaret an piipl did a kroud roun im fi lisn we Gad wod se.

Luuk 8:11

“Di tuori wa mi jos tel unu, dis a wa it miin: Gad wod a di siid.

Aks 13:46

Bot Paal an Baanabas neva fried fi tel dem di chuut. Dem se, “Wi did afi priich Gad wod tu unu fos bifuo wi kuda priich tu di piipl we a no Juu, kaaz a dat Gad tel wi fi du. Bot unu ton unu bak pan Gad mesij an se a lai wi a tel. Da wie de unu ton unu bak pan Gad. An unu tingk se unu neva gud inof fi liv wid im fi eva an eva laik wa im did pramis. So fram nou aan, wi a lef unu an go priich Gad mesij tu di piipl dem we a no Juu.

Aks 14:23

Iina aal a di choch dem, Paal an Baanabas pik elda gi dem fi liid dem. An afta dem spen taim a prie an kip we fram fuud, Paal an Baanabas ton di liida dem an di choch piipl dem uova tu di Laad Jiizas we dem biliiv iina.

Aks 4:31

Afta dem don prie, di ous we dem did a miit get shiek op. Di Uoli Spirit tek kanchuol a dem an mek dem priich Gad wod an no fried a notn.

Ruoman 10:17

So den, piipl kyan onggl kom fi biliiv wen dem ier di mesij, an dem kyan onggl ier, ef sumadi go priich tu dem bout Krais Jiizas.

1 Korintiyan 10:13

Di siem sin dem we unu a chogl wid, evribadi els a chogl wid dem tu. Bot Gad gud, im naa go mek yu fies no sin an no gi yu wan wie fi diil wid it — im naa go gi yu muor dan yu kyan manij.

1 Korintiyan 11:1

Unu mos fala mi, an du wa mi du. Jos laik ou mi fala Krais Jiizas, an du we im du.

1 Korintiyan 4:16

So mi a beg unu, liv unu laif laik ou unu si mi a liv fi mi uon.

Filipiyan 3:17

So breda an sista, aal a unu fi liv laik ou mi liv. Luk fi di piipl dem we liv laik ou mi liv an fala dem.

1 Tesaluoniyan 1:6

Unu staat fala wi — an staat fala di Laad tu. An duo unu sofa bad bad unu biliiv iina di Gud Nyuuz siem wie no mata di sofarieshan, kaaz di Uoli Spirit mek unu wel api.

1 Tesaluoniyan 2:13

An siek-a dis wi gi Gad tangks aal di wail. Kaaz wen unu tek iin Gad wod we unu did ier fram wi, unu neehn tek it laik a wod we kom fram man, bot unu tek it fi wa it bi fi chuu — Gad wod, we a wok iina aal a unu we biliiv.

2 Tesaluoniyan 3:7

Kaaz unu siem wan don nuo aredi se unu fi fala wi, an wi neehn aigl an liezi wen wi did de mongks unu.

2 Tesaluoniyan 3:9

A no kaaz wi no av di rait fi du dat mek wi neehn du it yu no, bot a kaaz wi waahn mek shuor se unu si ou unu fi liv, an liv da wie de.

1 Timoti 3:5

Kaaz ef sumadi kyaahn ron dem uona ous ou dem a-go ron Gad choch?

Iibruu 13:17

Lisn wa unu liida dem se, an du wa dem tel unu fi du. Kaaz dem a-go afi ansa tu Gad an tel im bout ou dem did tek kier a unu. So du fi unu paat, so dem wi api fi du di wok an dem fies no afi lang dong, kaaz ef dat apm, dat naa go elp unu at aal.

Iibruu 13:24

Sen oudi tu aal a unu liida dem an aal a Gad piipl dem. Di wan dem fram Itali sen oudi tu.

Iibruu 6:12

Wi no waahn unu fi get liezi an no waahn du notn. Nuo! unu fi tan laik di piipl dem we biliiv iina Krais Jiizas. Dem no gi op, an so dem get wa Gad did pramis fi gi dem.

1 Piita 4:11

So ef Gad mek non a unu fi priich — unu fi priich laik se a Gad wod itself unu a taak. Aal a uu fi sorv, fi sorv wid di chrent an powa we Gad gi unu. Da wie de Gad wi get di priez iina evriting wi du siek-a Jiizas Krais. Aal a di ana, priez an powa a fi Gad, tide, tumaro an fi eva! Iemen.

Revilieshan 1:9

Mi a Jan, unu breda an fren we a go chuu di siem sofarieshan we unu a go chuu. Aal a wi a-go tek paat iina Gad kindom, an siem laik unu, mi naa gi op — mi wi gwaan sofa til Gad kom bak. Kaaz mi priich Gad wod an tel piipl aal a di sitn dem we Jiizas shuo mi, dem put mi pan wan ailan niem Patmos.

Revilieshan 20:4

Den mi si som chuon an di wan dem we did get powa fi ruul did sidong pan dem. An mi si di spirit fi di piipl dem uufa ed did get chap aaf kaaz dem biliiv iina Jiizas an tan op chrang fi im an fi Gad wod. Dem neva worship di wail animal ar di sitn we dem mek fi luk laik im an dem neva tek im maak pan dem farid ar pan dem an niida. Dem kom bak alaiv an ruul wid Krais Jiizas fi wan touzn ier.

Revilieshan 6:9

Wen im brok di fif chring, mi si anda di alta di suol a di piipl dem we did get kil kaaz dem biliiv Gad wod an kaaz dem tel piipl bout Gad.