Iibruu 13:5 - Di Jamiekan Nyuu Testiment

⁵ Unu no fi lov moni. Unu fi satisfai wid wat-eva unu av, kaaz Gad se, “Mi naa go lef unu non at aal. Nuo mi naa lef unu fi fen fi unuself.”

Iibruu 13:5 ပူးပေါင်းရင်းမြစ်များ

Matyu 6:19

“No bada gyada op chrezha fi unuself, we de ya-so pan ort. Yu si ya-so, worm an dem sitn de wi kom nyam nyam op unu sitn dem, an dem wi get rosti an mash op. Plos tiif de ya, an dem wi kom brok iin an tek we unu sitn dem.

Matyu 6:25

“So mi a tel unu, no bada fret bout unu laif, a wori op unuself bout wa unu a-go iit ar jringk, ar wa unu a-go wier. Kaaz laif no muo impuotant dan fuud, iihn? An di badi no niid muo dan kluoz?

Matyu 6:34

So no bada wori an fret bout tumaro; tumaro wi tek kier a itself. Aftaraal, tide av fi it uona set a badarieshan.”

Maak 7:22

sliip wid ada piipl we dem no marid tu, waahnti-waahnti, wikid, tel lai, no bizniz wid no laa an brok evri wan a dem, red yai, tek dem mout tier dong ada piipl, shuo aaf, an ful op a aal kain-a fuulinish.

Luuk 3:14

Den som suoja aks Jan, “So wa bout wi, wa wi fi du?” Jan ansa, “No bad op piipl an tek we dem moni ar tel lai pan dem fi get it niida. Unu fi satisfai wid di pie we unu get.”

Luuk 8:14

Di wan dem we jrap iina makabush, a di piipl we ier Gad wod, bot dem staat fret bout laif an aal dem kyan tingk bout a ou fi mek moni an ou fi enjai demself. Dem mek dem sitn de chuok dem so dem no bier no raip fruut.

Ruoman 1:29

Dem de piipl de wikid, dem ful op a wikidnis. Dem eva waahn wa ada piipl av an dem eva a du bad sitn tu ada piipl. Dem de piipl de ful op a bad main. Dem lov fi kos an fait, dem eva a chrai fi chrik dem wan aneda an dem eva waahn fi kil aaf dem wan aneda tu. Dem de piipl de lov fi susu-susu.

1 Korintiyan 5:11

Wen mi did rait unu mi did a taak bout piipl we se dem biliiv iina Gad. No av notn fi du wid nobadi we se dem a Gad pikni bot a tek paat iina aal kain-a seks sin. No av notn fi du wid dem ef dem waahnti-waahnti, tiif ada piipl sitn dem, worship faalz gad, tel lai ar jringk tu moch. No iivn iit wid dem piipl de.

1 Korintiyan 6:10

Bot a no dem wan, piipl we tiif, piipl we waahnti-waahnti, piipl we eva a get jongk, piipl we tek dem mout tier dong ada piipl an piipl we chrik piipl fi get dem moni, no iivn wan a dem a-go tek paat iina Gad Kindom niida.

2 Korintiyan 4:9

Nof taim piipl mek wi sofa bot Gad neva lef wi, im eva de wid wi. Nof taim wi get lik dong, bot wi no ded.

Ifiijan 5:3

Unu a Gad speshal piipl. So non a unu no fi get miks op iina naasi laif laik: man a sliip wid uman we a no im waif, man a sliip wid man, ar uman wid uman. Unu no fi waahnti-waahnti niida. Dem de sitn de no fi de mongks Gad piipl at aal at aal.

Ifiijan 5:5

Unu kyan nuo fi shuor se enibadi we sliip wid sumadi dem no marid tu, dem kyaahn tek paat iina di nais sitn dem we put op fi Gad piipl iina Faada Gad an Krais Jiizas kindom. Di siem ting go fi dem we du naasinis an dem we waahnti-waahnti (dem piipl de a worship faalz gad).

Koloshan 3:5

Eniting we insaida unu we bilang tu da worl ya — dash it we! Mi a taak laik seks sin, an ou unu mait-a lang fi go miks op unuself iina dem sitn de. Unu mait-a no tap tingk bout dem, an waahn fi go du dem so til unu galang go du dem. Bot dem de no kliin. Unu fi dash we dat! Plos aal a di sitn dem we unu waahn waahn we no rait; plos di wikid sitn dem we unu waahn fi du. Unu fi klier dem outa unu laif! Kil dem! An unu no fi waahnti-waahnti niida; aal waahn waahn tingz we unu no niid! Wen unu du dat, a worship unu a worship dem sitn de insted-a unu a worship Gad.

1 Timoti 3:3

Im no fi lov jringk tu moch an im no fi lov fait, bot im fi nais an jengkl an liv iina piis wid evribadi. Pan tap a dat im no fi lov moni niida.

2 Piita 2:14

Evritaim dem luk pan wan man, ar dem luk pan wan uman aal dem kyan tingk bout a fi go bed wid im ar fi go bed wid ar. Dem eva a luk fi di chaans fi sliip wid sumadi. Dem eva a sin a galang so, laik se dem kyaahn satisfai. An dem pul iin di wiik wan dem iina dem chrap. Dem set iina dem aat fi bi griidi. Bot fi aal a dem sitn ya we dem du — Gad gweehn ponish dem!

2 Piita 2:3

Siek-a ou dem faalz tiicha ya griidi, dem a-go mek op tuori fi chrai mek moni aafa unu. Bot a lang taim nou dem jojment redi. An Gad naa sliip, im a-go mash dem dong!

Juud 1:11

Tingz gweehn torbl fi dem man ya! Dem tan jos laik Kien we morda im breda. Dem komiin laik Bielam — dem wi du eniting fi get moni. Dem go gens Gad jos laik ou Kuora did go gens Muoziz. Gad gweehn mash dem dong siem laik ou im did mash dong Kuora.