Iibruu 13:25 - Di Jamiekan Nyuu Testiment

²⁵ Mi prie se Gad lov, we non a wi no dizorv, wi tan wid unu.

Iibruu 13:25 ပူးပေါင်းရင်းမြစ်များ

Ruoman 1:7

So mi a rait da leta ya tu aal a unu iina Ruom we Gad lov an uu im kaal fi bi im piipl. Mi prie se wi Faada Gad an di Laad Jiizas Krais wi shuo unu lov iivn duo wi no dizorv it an gi unu piis iina unu aat.

Ruoman 16:20

Suun, Gad we gi piipl piis iina dem aat, wi put Sietan anda yu fut an mash im op. Mi prie se di Laad Jiizas Krais wi shuo unu lov iivn duo wi no dizorv it.

Ruoman 16:23

Gaiyos uu mi a stie wid an iina uufa yaad dem kip choch, sen oudi fi unu. Irastos we kip di moni fi di siti an wi breda Kwaatos sen oudi fi unu tu.

Ifiijan 6:24

Yu si aal uu lov wi Laad Jiizas Krais, mi prie se unu wi si ou Gad lov unu, iivn duo wi no dizorv it.

Koloshan 4:18

Dis a mi, Paal. Mi a rait an tel unu oudi wid mi uona an. Memba se mi chien op iina jiel. Mi prie se Gad wi lov unu iivn duo wi no dizorv it.

2 Timoti 4:22

Mi prie se Gad wi tan wid yu an dat im wi shuo yu lov iivn duo wi no dizorv it.

Taitos 3:15

Evribadi we de ya wid mi sen dem lov. Tel aal a Gad piipl we de dong de wid yu, oudi! Mi prie se Gad wi shuo unu lov iivn duo wi no dizorv it.

Jiemz 1:1

Da leta ya a kom fram Jiemz wan sliev fi Gad an di Laad Jiizas Krais. Mi a rait da leta ya tu di twelv chraib a Gad piipl dem wa skyata skyata aal uova di worl. Oudi tu aal a unu.

Revilieshan 22:21

Mi prie se di Laad Jiizas wi shuo aal a im piipl lov iivn duo wi no dizorv it. Iemen!