Iibruu 13:24 - Di Jamiekan Nyuu Testiment

²⁴ Sen oudi tu aal a unu liida dem an aal a Gad piipl dem. Di wan dem fram Itali sen oudi tu.

Iibruu 13:24 ပူးပေါင်းရင်းမြစ်များ

Iibruu 13:17

Lisn wa unu liida dem se, an du wa dem tel unu fi du. Kaaz dem a-go afi ansa tu Gad an tel im bout ou dem did tek kier a unu. So du fi unu paat, so dem wi api fi du di wok an dem fies no afi lang dong, kaaz ef dat apm, dat naa go elp unu at aal.

Iibruu 13:7

Memba unu liida dem we tel unu bout Gad wod. Tingk bout wa did apm siek-a ou dem liv dem laif, an chos iina Gad jos laik dem.

Failiiman 1:5

kaaz mi ier bout ou yu chos iina di Laad Jiizas an ou yu lov aal a Gad piipl.

Aks 18:2

Iina Korint Paal miit wan Juu niem Akwila we did baan iina Pontos. Im an im waif Prisila did no tuu lang muuv fram Itali kaaz Klaadiyos did gi aada se aal a di Juu dem fi lef Ruom. Paal jain op wid dem,

Koloshan 1:2

Wi a rait da leta ya tu aal a Gad piipl dem we de a Kolasi — di breda an sista dem we eva a chos iina Gad an we kluos tu Krais Jiizas: Wi prie se wi Faada Gad wi aalwiez shuo unu lov iivn duo wi no dizorv it, an gi unu piis iina unu aat.

Filipiyan 4:22

Aal a Gad piipl sen oudi fi aal a unu, speshali di wan dem we kom fram Siiza yaad.

2 Korintiyan 13:13

Mi prie se di Laad Jiizas Krais wi shuo unu lov iivn duo wi no dizorv it. Mi prie tu se Gad wi aalwiez shuo unu im lov an dat di Uoli Spirit wi mek aal a unu liv tugeda az wan.

2 Korintiyan 1:1

Da leta ya a kom fram mi, Paal, wan a Jiizas Krais apasl dem. Mi a wan apasl kaaz a dat Gad did waahn mi fi bi. Wi breda Timoti, im grii wid evriting we iina da leta ya. So, a di tuu a wi a sen it an wi a sen it tu aal a Gad piipl we kip choch iina Korint an tu aal a di piipl dem we iina Akaiya we biliiv iina Gad.

Filipiyan 1:1

Da leta ya a kom fram mi, Paal. Timoti de ya wid mi tu. Di tuu a wi a Krais Jiizas sliev. Mi a rait tu aal a unu we liv iina Filipai we chos Krais Jiizas. An mi a rait tu aal a di bishop an di diikan dem tu.

Aks 27:1

Afta dem mek op dem main se wi shuda siel go Itali, dem ton Paal an som ada prizna uova tu Juuliyos wan ed fi onjrid suoja. Im a did paat a di ruula big big gruup a suoja.

Aks 9:13

Ananaiyas se, “Bot Laad, nof piipl tel mi bout da man de an di uol iip a wikid sitn dem we im du tu yu piipl dem iina Jeruusilem.

1 Korintiyan 16:16

breda an sista fi fala wa dem piipl de se, an no jos we dem se bot wa enibadi we wok wid dem se tu.