Iibruu 13:22 - Di Jamiekan Nyuu Testiment

²² Nou breda an sista, mi a beg unu, bier wid di likl mesij we mi rait fi mek unu aat chrang, an no bada get beks, kaaz a no notn lang mi rait.

Iibruu 13:22 ပူးပေါင်းရင်းမြစ်များ

Aks 13:15

Afta sumadi riid fram di Laa buk an fram di Prafit dem, di liida dem fi di Juu dem choch sen wan mesij tu dem se, “Breda, ef unu av wan mesij we kyan elp bil op di piipl dem unu taak op.”

2 Korintiyan 10:1

Som piipl se mi saaf wen mi de de mongks unu bot gwaan laik mi rof wen mi de faar. Bot mi, Paal, mi a beg unu, iina Jiizas niem, Jiizas we kain an jengkl,

2 Korintiyan 5:20

So wi a taak fi Krais Jiizas, an a laik se Gad a yuuz wi fi beg unu fi lisn tu wa wi a se. An sins wi a taak fi Krais Jiizas, wi a beg unu fi mek Gad put tingz rait bitwiin unu an im.

2 Korintiyan 6:1

So sins wi wok wid Gad, wi a beg unu, im so gud an kain tu unu, no mek it kom tu notn, no bada wies it.

Gyalieshan 6:11

Unu si ou di leta dem big wen mi rait unu wid mi uona an!

Ifiijan 3:3

Unu nuo ou Gad mek mi nuo bout im siikrit mesij, we nobadi neehn nuo bout bifuo. Mi no tuu lang rait likl bit bout it.

Iibruu 12:5

A memba unu no memba wen Gad did taak tu unu kaaz unu a im pikni, an tel unu tingz we mek unu aat chrang? Iihn? “Mi pikni, wen mi ponish unu fi mek unu si se unu du sitn rang, unu no fi tek it laik se a no notn, an no bada gi op kaaz mi rof unu op an set unu chriet,

Iibruu 13:19

Beg unu du, prie iivn muo se mi wi kom bak tu unu suun suun.

Iibruu 2:1

Siek-a dat, wi afi lisn di Gud Nyuuz we wi did ier nou muo dan wi yuus tu, so wi no chrie.

Iibruu 3:1

So mi breda an sista we bilang tu Gad, an we im kaal jos laik ou im kaal mi, unu fi kip unu main pan Jiizas. Im a di mesinja we Gad sen wi, an di liida fi di priis dem we go tu Gad fi wi, siek-a wa wi se wi biliiv iina.

Iibruu 4:1

So wi fi mek shuor se Gad no pramis fi gi wi piis an res an wi en op no get it kaaz wi gilti a sopm.

Iibruu 4:11

So wi fi chrai aad aad fi mek shuor se wi get da kaina res de we Gad gi, so nobadi no mis di chaans fi get it kaaz dem go du di sed sitn dem we dem faada faada did du — no lisn Gad an no du wa im se dem fi du.

1 Piita 5:12

Silvanos, uu a laik mi breda, we riili chos iina Jiizas, a im elp fi rait da leta ya, so widoutn mek it tuu lang, mi rait fi jos elp unu fi gwaan uol aan pan Gad, an fi tel unu chrang chrang se wa Gad du fi unu riili a shuo se im lov unu bad bad. Tan op chrang iina da lov de.