Iibruu 12:29 - Di Jamiekan Nyuu Testiment

²⁹ Kaaz fi riil, wi Gad a laik wan faiya we bon op tingz.

Iibruu 12:29 ပူးပေါင်းရင်းမြစ်များ

2 Korintiyan 5:11

So kaaz wi av nof rispek fi di Laad an chuu wi nuo se im a-go joj evribadi, wi du aal we wi kyan du fi win piipl uova fi Gad. Gad nuo se wi onggl priich wa im waahn wi fi priich an mi uop se, iina unu aat, unu nuo se a dat wi a du.

2 Tesaluoniyan 1:7

An unu we a sofa, im a-go mek di sofarieshan tap wen di Laad Jiizas kom fram evn an shuo imself. Da taim de aal a wi a-go get fi res, wi naa go sofa no muo. Jiizas a-go kom fram evn wid im powaful ienjel dem,

2 Tesaluoniyan 1:8

wid wan faiya we a bliez. Im a-go bring dong jojment pan aal a uu no nuo Gad an dem de we no fala di Gud Nyuuz bout wi Laad Jiizas.

Iibruu 10:27

Bot notn no lef fi wi du dan fi wiet an fried a Gad jojment we a kom, plos di wikid wikid faiya we im a-go tek bon op di piipl dem we fait gens im.

Iibruu 10:31

A no wan nais sitn fi jrap iina di an fi di Gad we a liv, an im ponish yu yu nuo — enibadi we dat apm tu fi kech dem fried!

2 Piita 3:7

An a Gad siem wod a kip di evn an di ort ya nou til jojment die wen im a-go bon dem op iina faiya an ponish di piipl dem we no bizniz wid wa im se.