Iibruu 12:27 - Di Jamiekan Nyuu Testiment

²⁷ Nou wen im se, ‘wan muo taim,’ dat shuo se di sitn dem we get shiek op im a-go tek dem we, an dem sitn de a di tingz we im did mek. Im a-go du dat so wa kyaahn shiek op, kyan tan.

Iibruu 12:27 ပူးပေါင်းရင်းမြစ်များ

Matyu 24:35

Evn an ort naa go de bout fi eva, bot fi mi wod a-go laas fi eva.

Ruoman 8:19

Az a matarafak, evriting we Gad mek, a did fi Gad shuo dem a uu im pikni dem bi.

Ruoman 8:21

fi im kom frii dem an mek it so dat dem wudn ded an ratn. Gad wuda frii dem an gi dem aal a wa im av pudong fi im pikni dem.

1 Korintiyan 7:31

Di piipl dem we a wok aad so dem kyan liv gud, unu no fi spen aal a unu taim a wori bout di sitn dem we de iina da worl ya. Kaaz da worl ya naa go tan so fi eva — it suun ded an gaan.

Iibruu 1:10

Im se dis tu, “Laad, wen notn neva de bout yet, a yu mek di ort. An yu tek fi yu uona an dem an mek di skai an evriting els.

Iibruu 13:14

Kaaz wi naa no siti we a-go laas fi eva ya-so, bot wi a luk fi di siti we a-go kom.

Iibruu 9:11

Bot Krais Jiizas kom aredi az di liida fi priis fi di gud sitn dem we a kom. An di tent we im go chuu, dat biga an beta dan di ada wan. It no niid notn els fi mek it no beta dan it bi. An a no piipl mek da wan de. Dat miin fi se a no da worl ya it kom fram.

Revilieshan 11:15

Wen ienjel nomba sevn bluo fi im chompit, mi ier som loud vais iina evn a se, “Nou fi wi Gad, an Krais Jiizas av di rait fi ruul uova di uol worl an im a-go ruul fi eva an eva.”

Revilieshan 21:1

Den afta Gad don joj evribadi, mi si wan nyuu evn an wan nyuu ort, kaaz di fos evn an di fos ort did disapier, an di sii did disapier tu.

Revilieshan 21:4

Gad a-go waip dem fies an jrai op aal a dem yai-waata. Nobadi naa go ded agen, so nobadi naa go ala ar baal. An nobadi naa go fiil no pien, kaaz dem uol taim sitn de don we wid.”

Revilieshan 21:5

Gad we did sidong pan di chuon se, “Mi a mek evriting nyuu!” Den im se, “Rait dis dong, kaaz wa mi a se a chuu an evribadi kyan biliiv it.”