Iibruu 12:23 - Di Jamiekan Nyuu Testiment

²³ Unu kom wich paat di fos set a pikni we a fala Krais Jiizas gyada op. Fi dem niem don rait dong iina evn aredi. Unu kom tu Gad tu, we joj evribadi. An unu kom tu dem piipl de we du rait iina Gad yai. Gad don mek dem rait iina evri wie.

Iibruu 12:23 ပူးပေါင်းရင်းမြစ်များ

Jiemz 1:18

Gad mek op im main fi gi wi nyuu laif, so im sen wi di chuu mesij, so wi kuda komiin laik di fos set a fuud fram di fiil fi im.

Iibruu 11:40

Kaaz Gad did plan fi du sitn we wie wie beta fi wi, so wi an dem kyan bi aal a wa Gad waahn wi fi bi di siem taim.

Luuk 10:20

No bada glad se diiman du we unu tel dem fi du. Wa unu fi glad bout a se unu niem rait dong iina evn.”

Revilieshan 14:4

Dem man ya neva sliip wid no uman — dem neva av seks. Dem fala did Biebi Shiip evriwe im go. Dem did get siev fram mongks di piipl dem we de pan di ort, so dem bilang tu Gad an di Biebi Shiip. Dem komiin laik di fos paat a di sitn we sumadi gi Gad fram dem faam.

Revilieshan 20:15

Enibadi uufa niem no rait dong iina di buk we Gad rait di niem a di piipl dem we a-go liv fi eva an eva, dem a-go get fling dong iina di liek a faiya tu.

Iibruu 9:27

An jos laik ou wi nuo fi shuor se a wan taim evribadi a-go ded an den Gad a-go joj dem,

Revilieshan 13:8

Evribadi we liv pan di ort a-go worship di wail animal. Di onggl piipl we naa go worship im a di wan dem we riili a liv. Fi dem niem rait dong bifuo di worl mek iina di buk we di Biebi Shiip av — di Biebi Shiip we did get kil.

1 Piita 2:23

Wen piipl tel im at-wod im neva tel dem bak non. An wen dem mek im sofa, im neva chretn fi du dem bak notn. Aal im du a gwaan put im chos iina Gad we joj evribadi bies pan wa dem du.

Iibruu 11:4

A kaaz Iebl chos iina Gad mek im bon wan beta sakrifais gi Gad dan Kien. A kaaz im chos iina Gad mek Gad se im api wid im, an se im a sumadi we du di rait sitn dem. An siek-a di chos we im chos iina Gad, im stil a chat iivn duo im ded, kaaz wa Iebl did du stil a sen wan mesij tu wi.

1 Timoti 3:5

Kaaz ef sumadi kyaahn ron dem uona ous ou dem a-go ron Gad choch?

Filipiyan 4:3

An mi a beg unu, mi gud gud fren we aalwiez elp mi iina mi wok fi di Laad, elp dem uman ya we aalwiez tan op chrang wid mi an elp mi pred di Gud Nyuuz. Elp Klement an aal a Gad piipl we wok wid mi tu. Dem niem rait dong iina Gad buk we av di niem a evribadi we Gad a-go mek liv fi eva.

Ifiijan 1:22

Gad put evriting anda Krais Jiizas fut an gi im powa uova evriting. An Gad mek im di liida fi di choch.

Aks 20:28

An siem laik ou wan shepad luk aafa im Shiip dem, a siem so unu fi tek kier a unuself an Gad choch we di Uoli Spirit put unu inchaaj a, an we im mek im uon wen im bwai pikni ded pan di kraas.

Jan 5:27

An pan tap a dat, di Faada gi di Bwai Pikni di powa fi joj piipl, kaaz a im a di Man we Gad Pik.

Koloshan 1:24

Rait ya nou, mi api se mi a sofa fi unu. Mi a sofa laik ou Krais Jiizas did sofa, so mi kyan go chuu aal a we mi fi go chuu. Di sofarieshan mi a go chuu a fi mek gud sitn apm tu di choch, Krais badi.

Koloshan 1:12

an a gi di Faada tangks tu. A Faada Gad mek unu gud inof fi kom get wa im pudong fi im piipl dem iina im kindom. Faada Gad a lait an fi im kindom ful op a im lait.

2 Korintiyan 5:8

So laik mi did a se, wi no fried an wi no gi op, an wi waahn fi get wi nyuu badi an go liv wid di Laad muor dan wi waahn fi kip da badi ya.

1 Korintiyan 15:54

An wen dat apm, a dem taim de di sitn dem we rait dong iina Gad wod a-go apm tu. Mi a taak bout di paat we se, “Det luuz, it naa no powa uova wi.”

1 Korintiyan 13:12

Kaaz jos laik ou wen wi luk pan wiself iina wan shain piis a metal, wi kyaahn mek out evriting, a siem so wi tan nou. Wi nuo som tingz bot wi no nuo evriting. Bot wan die wi a-go si Gad fies tu fies an den wi wi nuo an andastan evriting we de de fi nuo bout Gad. Jos laik ou Gad nuo evriting bout wi.

1 Korintiyan 15:49

An jos laik ou wi did av wan badi laik di man we mek outa dot, a siem so wan die wi a-go av wan badi laik di man we kom fram evn.

Iibruu 2:12

Im se tu Gad se, “Mi wi tel mi breda an sista dem wa yu du an ou yu tan; wen dem gyada fi worship, mi wi sing im, an priez yu infronta di uol a dem.”

Revilieshan 6:9

Wen im brok di fif chring, mi si anda di alta di suol a di piipl dem we did get kil kaaz dem biliiv Gad wod an kaaz dem tel piipl bout Gad.

Revilieshan 6:11

Den evri wan a dem get wan lang wait jakit we kech dem klier dong a dem fut, an sumadi tel dem se dem fi wiet likl langga til di res a Gad piipl dem we fi get kil laik dem, get kil.