Iibruu 12:18 - Di Jamiekan Nyuu Testiment

¹⁸ A no laik di Izrel piipl dem wen dem did kech a Mount Sainai, unu no kom a no mountn we unu kyan toch, wich paat faiya a bon at, an di plies daak roun unu; no lait neehn de de an staam a bluo.

Iibruu 12:18 ပူးပေါင်းရင်းမြစ်များ

2 Timoti 1:7

Kaaz di spirit we Gad gi wi, neva mek wi friedi-friedi. Gad Spirit gi wi powa, lov an mek wi kyan kanchuol wiself.

2 Korintiyan 3:9

So ef di Laa we sen piipl fi ded did kom wid da powaful lait de, di Nyuu Diil we kyan siev piipl no mos kom wid wan muo powaful lait.

Ruoman 6:14

No mek sin kanchuol unu, kaaz unu no afi fala di Laa no muor. Di Laa kyaahn siev unu. Unu get siev kaaz Gad shuo unu lov iivn duo unu neva dizorv it.

Ruoman 8:15

Kaaz Gad neva gi unu wan Spirit we ton unu iina sliev an kaaz unu fi fried. Di Spirit we Gad gi wi, mek wi im pikni an a da Spirit de mek wi kyan taak tu Gad an kaal im “Faada, fi mi Faada.”

2 Korintiyan 3:7

Di Laa did rait dong pan stuon, an wen Gad sen it, im sen it wid im brait brait lait. Da lait de did so brait dat it mek Muoziz fies staat shain. An iivn duo di brait lait did a fied, it mek im shain so moch dat di Izrel piipl dem kudn iivn luk pan im fi lang. Nou ef da Laa de, we kyaahn siev piipl bot sen piipl fi ded, did kom wid so moch powa