Iibruu 12:16 - Di Jamiekan Nyuu Testiment

¹⁶ An mek shuor tu, se nobadi no kom liv no luus laif an naa no rispek fi Gad an Gad sitn dem laik Iisaa. Evriting we Iisaa wuda get, kaaz im a im faada fos bwai pikni, im gi we aal a dat fi wan dege-dege pliet a fuud.

Iibruu 12:16 ပူးပေါင်းရင်းမြစ်များ

Maak 7:21

Kaaz a insaida sumadi aat aal kain-a wikidnis we piipl tingk op kom fram. Piipl du aal kain-a seks sin, tiif, kil piipl,

Aks 15:20

Insted-a dat, wa wi fi du a rait an tel dem se dem no fi nyam no fuud we piipl tek bon sakrifais gi faalz gad, ton we fram aal saat a seks sin, no nyam miit fram animal we eng ar we dem blod neva bliid out wen dem get kil, an no nyam ar jringk blod.

Aks 15:29

Unu no fi nyam no fuud we piipl tek bon sakrifais gi faalz gad, no nyam ar jringk no blod, no nyam miit fram animal we eng ar we blod neva bliid out wen dem ded. Unu fi kip we fram aal saat a seks sin. Ef unu kip we fram aal a dem sitn de, unu a du di rait ting. Unu tek kier.

1 Korintiyan 10:8

Wi no fi tek paat iina no kain-a seks sin laik dem. Kaaz a so mek twenti chrii touzn a dem ded aaf iina wan die.

2 Korintiyan 12:21

Mi fried se wen mi kom de, Gad we mi sorv, a-go mek mi fiil shiem agen an mi a-go baal fi di wan dem we a sin, an we naa chienj dem wiez an beg Gad fi paadn dem. Dem naa beg Gad fi paadn dem fi di doti laif we dem a liv an fi ou wail dem a gwaan. Dem naa beg Gad fi paadn dem fi aal a di seks sin dem we dem a du.

Ifiijan 5:3

Unu a Gad speshal piipl. So non a unu no fi get miks op iina naasi laif laik: man a sliip wid uman we a no im waif, man a sliip wid man, ar uman wid uman. Unu no fi waahnti-waahnti niida. Dem de sitn de no fi de mongks Gad piipl at aal at aal.

Ifiijan 5:5

Unu kyan nuo fi shuor se enibadi we sliip wid sumadi dem no marid tu, dem kyaahn tek paat iina di nais sitn dem we put op fi Gad piipl iina Faada Gad an Krais Jiizas kindom. Di siem ting go fi dem we du naasinis an dem we waahnti-waahnti (dem piipl de a worship faalz gad).

Koloshan 3:5

Eniting we insaida unu we bilang tu da worl ya — dash it we! Mi a taak laik seks sin, an ou unu mait-a lang fi go miks op unuself iina dem sitn de. Unu mait-a no tap tingk bout dem, an waahn fi go du dem so til unu galang go du dem. Bot dem de no kliin. Unu fi dash we dat! Plos aal a di sitn dem we unu waahn waahn we no rait; plos di wikid sitn dem we unu waahn fi du. Unu fi klier dem outa unu laif! Kil dem! An unu no fi waahnti-waahnti niida; aal waahn waahn tingz we unu no niid! Wen unu du dat, a worship unu a worship dem sitn de insted-a unu a worship Gad.

1 Timoti 1:9

Wi andastan se di Laa neva mek fi gud piipl bot fi piipl we a kriminal an di wan dem we wudn fiil no wie ef dem brok di Laa. It mek fi piipl we no worship di chuu Gad an di sina dem, fi di wan we no fala no kain-a gad an di wan dem we kos Gad. Di Laa mek fi di mordara dem — aal di wan dem we wuda kil dem uona mada an faada.

Iibruu 13:4

Evribadi fi rispek marid laif, ozban an waif mosn go sliip wid nobadi els — dem fi kip dem bed kliin. Kaaz di piipl dem we dabl iina seks sin, an we sliip wid piipl dem no marid tu, Gad a-go joj dem.

Revilieshan 21:8

Bot di wan dem we a kowad, we no biliiv iina Gad, we mek demself doti wid aal a di naasi sitn we dem du, we kil piipl, we tek paat iina aal kain-a seks sin, we wok uobiya, we worship faalz gad an we tel lai — dem a-go get fling dong iina di liek a faiya we a bon wid solfa. A dis a di sekan det.”

Revilieshan 22:15

Bot di piipl dem we mek demself doti wid aal kain-a naasinis kyaahn go iina di siti: piipl we wok uobiya, du aal kain-a seks sin, kil piipl, worship faalz gad, an piipl we lov fi tel lai, non a dem kyaahn go iina di siti.