Iibruu 12:11 - Di Jamiekan Nyuu Testiment

¹¹ Nobadi neva eva tingk se it nais wen dem a get ponish di taim wen dem a get ponish — nuo sa, it at dem taim de man. Bot lieta dong it elp wi. Kaaz siek-a dat, wi lorn fi waak chriet an du di sitn dem we rait, plos it mek wi liv iina piis wid piipl.

Iibruu 12:11 ပူးပေါင်းရင်းမြစ်များ

2 Korintiyan 4:17

Di likl chobl an di sofarieshan we wi a go chuu nou, naa go laas fi eva an dem a no notn wen yu tingk bout di nais nais sitn dem we Gad a-go gi wi, wen wi riich a evn.

1 Piita 1:6

So unu mos api bout aal a dem sitn ya, iivn duo rait ya nou unu mait-a sad fi wan likl wail siek-a aal a di chraiyal dem we unu a fies, an di sitn dem we mek unu waahn du rang.

Iibruu 12:10

Wi faada we de pan ort, dem ponish wi fi wan likl wail, an dem ponish wi ou dem tingk bes fi ponish wi. Bot Gad ponish wi fi wi uona gud, an a kaaz im waahn wi gud an kliin laka ou im gud an kliin mek im du dat.

Iibruu 5:14

Bot aad fuud a fi big piipl kaaz dem chrien demself fi nuo wa rait fram rang, so dem nuo ou fi luk pan tingz.

Ruoman 14:17

Kaaz Gad Kindom no av notn fi du wid wa piipl iit an jringk ar we dem no iit an jringk. Gad kindom a bout ou piipl liv; ef dem a liv rait, ef dem av piis iina dem aat, an ef dem aat api — an aal a dem sitn de kom fram di Uoli Spirit.

2 Piita 2:14

Evritaim dem luk pan wan man, ar dem luk pan wan uman aal dem kyan tingk bout a fi go bed wid im ar fi go bed wid ar. Dem eva a luk fi di chaans fi sliip wid sumadi. Dem eva a sin a galang so, laik se dem kyaahn satisfai. An dem pul iin di wiik wan dem iina dem chrap. Dem set iina dem aat fi bi griidi. Bot fi aal a dem sitn ya we dem du — Gad gweehn ponish dem!

2 Timoti 4:8

Di Laad we aalwiez fier tu evribadi wen im a joj dem, a-go gi mi wan kroun fi aal a di wok we mi du. Im a-go gi mi it wen im kom bak fi joj di worl. An a no mi wan a-go get kroun, im a-go gi evribadi we did a lang fi im kom bak.