Iibruu 11:5 - Di Jamiekan Nyuu Testiment

⁵ Kaaz Iinok did chos iina Gad, Gad did tek im op wich paat im de wen im did stil alaiv, so im neehn ded at aal, an nobadi kudn fain im kaa Gad did tek im op. An Gad du dat kaa im did mek Gad api siek-a wa im du.

Iibruu 11:5 ပူးပေါင်းရင်းမြစ်များ

Luuk 2:26

Di Uoli Spirit did tel im se im naa go ded bifuo im si di Krais we di Laad pramis fi sen kom.

Luuk 3:37

Lamek a did Metyuuzila pikni, Metyuuzila faada a did Iinok, Iinok a did Jared pikni, Jared faada a did Mayalalel, Mayalalel a did Kienan pikni,

1 Tesaluoniyan 2:4

Insted-a dem sitn de, wa wi did du? Wi taak laik man we Gad tes an tingk gud inof fi sen wid di mesij bout Jiizas. Wi naa chrai fi mek nobadi laik wi, wi onggl waahn du wa Gad waahn wi fi du kaaz a im a si wi aat.

Iibruu 11:6

Nou ef sumadi no chos iina Gad, dem kyaahn mek im api non at aal. Kaaz enibadi we kom kom worship Gad afi biliiv fos se Gad de fi chuu, an dat im a-go du som uol iip a gud sitn fi di wan dem we luk fi im aad aad.

Iibruu 2:9

Wa wi si ya nou a Jiizas. Fi wan likl wail im did de luo dong dan di ienjel dem, bot nou im av powa. Nou Gad riez im op ai ai laik a wan kroun im put pan im ed. Im av powa an Gad riez im op ai ai kaaz im sofa an ded. An kaaz Gad lov wi so moch iivn duo wi no dizorv it, im mek Jiizas ded fi evribadi.

1 Jan 3:22

an eniting wi aks Gad fa im gi wi, kaaz wi du we im se wi fi du an wi du di sitn dem we wi nuo mek im api.

Juud 1:14

Iinok did iina di sevn set a pikni we kom dong fram Adam lain a piipl dem. Im did priich bout di wikid piipl dem. Im se, “Di Laad a-go kom wid touzn tap a touzn a im uoli wan dem.