Iibruu 11:39 - Di Jamiekan Nyuu Testiment

³⁹ Di uol a dem chos iina Gad an so im did api wid dem. Bot non a dem stil neehn get di sitn dem yet we im did pramis.

Iibruu 11:39 ပူးပေါင်းရင်းမြစ်များ

Iibruu 10:36

Unu afi uol aan an pres chuu fi du wa Gad waahn unu fi du, an so get di sitn dem we im pramis fi gi unu.

Iibruu 11:13

Aal a dem piipl ya we ded did a chos iina Gad siem wie, aal wen dem neehn get iina dem an, di sitn we Gad did pramis. (Dem did si dem fram faar faar — lang bifuo dem apm an dem did wel api). An dem neehn fried fi se dem no kom fram ya-so — dat dem a farina pan ort.

Iibruu 11:2

A dis mek Gad did api wid wi faada faada dem.

Iibruu 9:15

A so kom im mek wan nyuu plan bitwiin Gad an piipl. So di piipl dem we Gad kaal fi bi fi im uona piipl dem, im kyan bles dem fi eva laik we im pramis fi du. Dat kyan apm kaaz im ded, an kaaz im go ded di piipl dem we sin an brok di uol taim plan we Gad did mek wid dem, dem piipl de kyan get paadn.

1 Piita 1:12

Gad mek dem si se wa dem did a taak bout a neva did fi dem, bot dem did fi apm fi unu. Di sed sitn we di prafit dem did se, a di siem Gud Nyuuz di priicha dem kom gi unu. A di Uoli Spirit, we did sen dong fram evn, did gi dem di powa fi kom kom tel unu — aal ienjel did waahn andastan dem sitn ya!