Iibruu 11:36 - Di Jamiekan Nyuu Testiment

³⁶ So a dat apm tu som a dem kaaz dem chos iina Gad, bot yu av som ada wan — dem laaf aafa dem an tek wip biit dem. Som aal get tai op wid chien an lak op iina prizn tu.

Iibruu 11:36 ပူးပေါင်းရင်းမြစ်များ

Matyu 20:19

Dem a-go gi'im tu di piipl dem we a no Juu fi dem laaf aafa im an tek im mek preke, biit im wikid wikid an afta dat dem a-go kil im pan di kraas. Bot chrii die afta dem kil im, im a-go kom bak alaiv.”

Matyu 21:35

“Bot di tenant dem uol aan pan di sorvant dem, biit wan, kil wan, an stuon di neda wan.

Matyu 23:34

A dat mek mi a-go sen prafit tu unu, mi a-go sen som man we waiz kom, an som piipl we tiich Gad wie, som a dem unu a-go kil an niel pan di kraas, an som, unu a-go biit dem iina di Juu dem choch an ron dem dong fram toun tu toun laik wail animal.

Matyu 27:26

Den im let go Barabas gi dem. Im mek dem tek wip biit Jiizas, an den gi im uova fi dem niel im pan di kraas.

Maak 10:34

Dem a-go laaf aafa im an tek im ton preke, dem a-go pit pan im, biit im wikid wikid, an afta dat dem a-go kil im pan wan kraas. Bot chrii die afta dem kil im, im a-go kom bak alaiv.”

Luuk 18:32

Dem a-go tek im gi di piipl we a no Juu. Dem a-go laaf aafa im an tek mi mek preke, shiem im an pit pan im. Dem a-go biit im wikid wikid an kil im.

Luuk 23:11

Afta Erad an im suoja dem laaf aafa Jiizas an tek im mek preke, dem jres im op iina wan priti ruob, an sen im go baka Pailat.

Luuk 23:36

Di suoja dem kom a tek Jiizas ton preke a gi'im sowa wain

Aks 21:33

Den di ed fi touzn suoja kom an ares im an aada di ada suoja dem fi tai im op wid tuu chien. Den im aks a uu da man ya an a wa im du.

Aks 24:27

Afta tuu ier paas, Porshiyos Festos ton di nyuu govana an tek uova fram Fiiliks. Bot kaaz Fiiliks did a chrai fi kori fieva wid di Juu dem, im lef Paal iina prizn.

Aks 4:3

Dem grab Piita an Jan, an kaaz nait did suun kom, dem put dem iina jiel til di neks die.

Aks 5:18

So dem ares di apasl dem an put dem iina di prizn we aal kain-a bad piipl de.

Aks 5:40

an dem kaal iin di apasl dem an mek di suoja dem biit dem. Den dem aada dem se, “No taak tu di piipl an yuuz Jiizas niem eva agen!” Afta dat dem let dem go.

Aks 8:3

Bot Saal staat wok aad aad fi mash op di choch. Im did a go fram ous tu ous an a jrag out man an uman an fling dem iina prizn.

Ifiijan 3:1

Krais Jiizas mek mi, Paal, im prizna, so mi kuda priich tu unu we a no Juu.

Ifiijan 4:1

So den, mi we de a prizn kaaz mi a sorv di Laad, a beg unu — unu we Gad pik fi bi im piipl; mi a beg unu fi liv ou Gad waahn unu fi liv.

2 Timoti 1:16

Mi prie se Gad wi gud an kain tu Onisiforos an im fambili. Kaaz im neva shiem fi kom luk fi mi iina jiel an fi mek mi aat api.

2 Timoti 2:9

A chuu mi a tiich da mesij ya mek mi a sofa so. An a kaaz mi tiich da mesij ya mek dem fling mi iina prizn an chriit mi laik se mi a kriminal. Bot dem kyaahn tap Gad mesij ar lak it op laik ou dem lak mi op iina prizn.

Iibruu 10:34

Kaaz fi riil, unu aal sari fi di piipl dem we dem chuo iina prizn. An wen dem kom tek we unu sitn dem, unu mek dem galang wid dem, an aal a sumail sed wie, kaaz unu nuo se unu uon tingz we moch moch beta dan dem sitn de, an wa unu uon a-go laas fi eva.

Revilieshan 2:10

No fried a di sitn dem wa unu bout fi sofa. Mi a tel unu, di devl a-go fling som a unu iina prizn fi tes unu. An unu a-go sofa fi ten die. Bot unu fi tan op chrang an chos mi siem wie, iivn ef dem mek op dem main fi kil unu. Kaaz siem laik ou wan rona get wan medal wen im win wan ries, mi wi gu'unu laif fi fu'unu praiz.