Iibruu 11:31 - Di Jamiekan Nyuu Testiment

³¹ Rieyab we did sliip wid man fi moni, shi neehn ded wen di piipl dem we neva lisn Gad did a ded aaf. Shi neehn ded kaaz shi did chos iina Gad, an wen di chrienja dem kom fi spai out di siti, shi did tek dem iina ar ous an aid dem.

Iibruu 11:31 ပူးပေါင်းရင်းမြစ်များ

Matyu 1:1

Dis a di lis a Krais Jiizas faada faada dem go bak. Jiizas did kom fram Dievid an Iebriyam fambili.

Matyu 1:5

Saman a did Buowaz faada (im mada a did Rieyab), Buowaz a did Uobed faada (Ruut a did im mada). Jesi a did Uobed pikni,

Aks 15:33

Afta Juudas an Sailas spen kopl wiik wid dem, di choch piipl dem prie fi Gad bles dem an mek im piis protek dem an sen dem bak tu di liida dem iina Jeruusilem we did sen dem kom Antiyak.

Iibruu 3:18

An a uu Gad swier se naa go eva kom get di piis we im gi, an naa go eva get fi kom a di plies we dem kyan jos res, iihn? Ef a neva di wan dem we neehn lisn im an du wa im se dem fi du, den a uu?

Jiemz 2:25

A di siem wie Rieyab we did sliip wid piipl fi moni, did du we rait iina Gad yai wen shi tek iin di Izrel spai dem an sen dem we wan neda wie.

1 Piita 2:8

an wan neks paat iina Gad wod se, “Dis a wan stuon we kaaz man fi tombl dong — wan rak we wi chrip dem.” Dem tombl dong a grong kaa dem neva fala wa Gad se. An dat a wa Gad did plan fi dem.

1 Piita 3:20

Dem de spirit de, a di spirit fi di piipl dem we neva fala Gad iina Nowa taim, wen Nowa did a bil di big buot. Gad did a wiet pan dem piipl de ou lang. A onggl iet a dem en op go iina di buot an kom chuu di flod sief sief.