Iibruu 11:3 - Di Jamiekan Nyuu Testiment

³ Kaaz wi chos iina Gad, wi andastan se im jos se di wod an di worl mek, so di sitn dem we wi kyan si, dem kom fram di sitn dem we wi kyaahn si.

Iibruu 11:3 ပူးပေါင်းရင်းမြစ်များ

Jan 1:3

Gad kaaz di wan we a di Wod fi mek evriting. Notn no de we im neehn mek.

Aks 14:15

“Oi! Oi! Wa unu a du dem sitn de fa? No dwi'it! Wi a jos man siem laik unu! Wi onggl kom fi tel unu di Gud Nyuuz. Wi a tel unu fi ton we fram dem woklis sitn ya, an ton tu Gad, di Gad we liv fi eva an we mek evn an ort an di sii an evriting iina dem.

Aks 17:24

“Di Gad we mek di worl, aal a di piipl dem, di animal dem, an di chrii dem we iina it, a im ruul uova evn an ort. Im no liv iina ous we man mek fi Gad wid dem uona an.

Ruoman 4:17

It aal rait dong iina Gad wod dat Gad tel Iebriyam se, “Mi a-go mek yu di faada fi nof difrant piipl fram aal uova di worl.” Da pramis ya, gud, siek-a uu Gad bi. Dis a di Gad we Iebriyam did biliiv iina, di Gad we mek ded piipl kom bak alaiv an we kaaz evriting fi de bout, aal di sitn dem we neva de bout bifuo.

1 Korintiyan 2:7

Nuo! mi no tiich we dem tingk waiz. Insted-a dat mi taak bout ou Gad, di onggl wan we riili waiz, did plan fi siev wi fram lang taim. Nobadi neva nuo bout da plan de bifuo kaaz im kip it fram wi. Bot lang bifuo im iivn mek di worl, Gad mek a plan fi siev wi — a so im waiz.

1 Timoti 4:5

Kaaz prieya an Gad wod mek di fuud kliin.

Iibruu 1:2

Bot iina dem laas die ya, im yuuz im Bwai Pikni fi taak tu wi. Im pik im, an kom gi im evriting. Gad pik im tu, so Gad kuda mek di worl.

Iibruu 6:5

we did ties an nuo fi demself se Gad wod gud, an we fiil an nuo di powa we kom wen Gad staat ruul iina evri wie,

2 Piita 3:5

Bot dem mek op dem main fi figet se, lang bifuo dem did iivn baan Gad jos se it an di evn an di ort did mek jos so — outa waata an fram waata.

Revilieshan 4:11

“Ana an rispek tu yu, wi Laad an wi Gad, yu fi get priez an ana an powa, kaaz yu mek evriting. Yu mek dem kaaz yu did waahn fi mek dem. An dem de ya kaaz yu waahn dem fi de ya.”