Iibruu 11:19 - Di Jamiekan Nyuu Testiment

¹⁹ Iebriyam did don riizn out se, Gad kuda mek ded piipl kom bak alaiv, an iina wan wie a ded Aizak did ded an im get im bak.

Iibruu 11:19 ပူးပေါင်းရင်းမြစ်များ

Matyu 12:36

A tel unu dis, pan jojment die, piipl a-go afi ansa fi evri wikid sitn we dem se, we dem shuda neva se iina di fos plies.

Matyu 9:28

Wen Jiizas go iina di ous, di tuu blain man kom tu im, Jiizas se tu dem se, “Unu biliiv se mi kyan du dis?” Dem ansa bak, “Yes, Laad.”

Ruoman 5:14

Aal a di piipl dem we did a liv iina Adam taim kom chriet baka Muoziz taim, di uol a dem did afi ded. Dem did afi ded iivn duo dem neva sin laik ou Adam did sin. Nou Jiizas Krais, di wan we did fi kom, Adam did komiin likl bit laik im,

Ifiijan 3:20

Tangks an priez tu di muos powaful Gad! Im kyan du nof nof muor dan wa wi kyan tingk bout an nof muo dan wa wi kyan aks im fa, kaaz a fi im powa a wok iina wi laif!

Iibruu 9:24

Kaaz Krais Jiizas neehn go iina wan tent we piipl mek, we did jos a ak laik di riil tent — nuo sa! Im go iina evn itself an de de wid Gad nou, fi elp wi.

Iibruu 9:9

Di tent pan ort a wan sain we shuo wa did a gwaan da taim de. It shuo se aal a di gif an sakrifais we piipl yuus tu kyari go gi Gad wen dem a worship im kudn set dem kanchens frii.