Iibruu 11:17 - Di Jamiekan Nyuu Testiment

¹⁷ Kaaz Iebriyam did chos iina Gad wen Gad did tes im, im did redi fi sakrifais Aizak gi im. Im did get di pramis we Gad did mek wid im, an im did stil redi fi gi op im wan dege-dege bwai.

Iibruu 11:17 ပူးပေါင်းရင်းမြစ်များ

Jan 3:16

“Kaa, yu si, Gad lov di worl so moch dat im gi op im wan dege-dege Bwai Pikni, so enibadi we chos iina im naa go ded bot a-go liv fi eva.

2 Korintiyan 8:12

Umoch yu av no mata, Gad no bizniz wid umoch yu av ar no av. Wa mata a umoch yu waahn fi gi outa we yu av.

Iibruu 11:13

Aal a dem piipl ya we ded did a chos iina Gad siem wie, aal wen dem neehn get iina dem an, di sitn we Gad did pramis. (Dem did si dem fram faar faar — lang bifuo dem apm an dem did wel api). An dem neehn fried fi se dem no kom fram ya-so — dat dem a farina pan ort.

Iibruu 7:6

Da man ya duo, Melkezidek, nobadi kudn shuo se im kom fram Liivai fambili bot im get wan outa evri ten fram Iebriyam. An a im did aal bles Iebriyam tu — wen a Iebriyam Gad did mek pramis tu.

Jiemz 5:11

Lisn tu mi, wi se di wan dem we tan op chrang fi Gad, a dem bles. Unu memba ou Juob did tan op chrang fi Gad chuu aal a di torbl sitn dem we im sofa? Unu memba ou Gad elp im, an kyari im chuu. Di Laad du aal a dem sitn de kaaz a ou im jengkl an gud an kain.

1 Piita 4:12

Aal a unu we mi lov, no bada fraitn an gwaan laik se a sitn chrienj a apm tu unu siek-a di faiya we a riich unu iina dem ya chraiyal ya.

Revilieshan 3:10

Kaaz mi tel unu fi tan op chrang an no gi op wen chobl tek unu, an unu dwi'it, mi a-go kip unu sief iina da taim de wen torbl kraasiz an sofarieshan a-go kom pan di uol worl fi tes aal uu liv pan di ort.