Iibruu 11:16 - Di Jamiekan Nyuu Testiment

¹⁶ Insted-a dat dem did a luk fi wan beta plies — wan we de a evn. So Gad no shiem fi se im a fi dem Gad, kaaz im get wan siti redi fi dem.

Iibruu 11:16 ပူးပေါင်းရင်းမြစ်များ

Iibruu 13:14

Kaaz wi naa no siti we a-go laas fi eva ya-so, bot wi a luk fi di siti we a-go kom.

Iibruu 11:10

Iebriyam tan de kaaz im did a luk faawod fi wan siti we Gad did jraa op an bil. Da siti de tan op pan som chrang foundieshan.

Filipiyan 3:20

Bot evn a fi wi konchri. An a de-so di wan we siev wi de, Jiizas Krais wi Laad, an wi kyaahn wiet fi im kom bak!

Jan 14:2

A nof ruum iina mi Faada ous. Ef a neehn so it go mi wudn se notn tu unu. Mi a go we fi fiks op wan plies fi unu.

Iibruu 2:11

Di tuu a dem kom fram wan fambili: di wan we mek piipl gud an kliin an di piipl dem we a ton gud an kliin. So chuu dat, Jiizas no shiem fi se dem a im breda an sista dem.

Matyu 25:34

“Den di king a-go se tu di wan dem pan im rait-an-said se, ‘aal a unu we mi Faada bles, kom kom tek Gad Kindom, a fu'unu uon. Gad did fiks it op fu'unu fram im a mek di worl.

Iibruu 12:22

Insted-a dat, unu kom a Mount Zaiyan, di Jeruusilem we de a evn, di siti fi di Gad we mek piipl liv. Unu kom tu wan iip a ienjel we gyada de an we api so til.

Iibruu 11:14

Piipl we se dem sitn ya, shuo se dem a luk fi wan konchri we a riili fi dem uon.

2 Timoti 4:18

Di Laad naa go mek no wikid sitn ort mi. Im a-go kip mi sief an kyari mi go a im uom iina evn. Priez im fi eva an eva! Iemen!

Maak 8:38

Kaaz ef nobadi shiem a mi an fi mi mesij iina da worl ya we ful op a sin an piipl we ton dem main gens Gad, di Man we Gad Pik naa go av notn fi du wid dem wen im kom iina im Faada brait brait lait wid im uoli ienjel dem.”

Aks 7:32

Di Laad se, ‘Mi a di Gad fi yu faada faada dem, di Gad fi Iebriyam, Aizak an Jiekob.’ Muoziz did so fried im staat fi chrimbl an im kudn luk pan di bush no muor.

Luuk 12:32

“So, unu we a fala mi, no bada fried. Unu Faada api fi gi unu im kindom.

Maak 12:26

Bot wen unu a taak bout ded piipl fi kom bak alaiv, unu neva riid wa Muoziz rait dong iina di paat bout di bush ou Gad se, ‘Mi a Iebriyam Gad, Aizak Gad, an Jiekob Gad’?

Luuk 20:37

Iivn Muoziz shuo se di ded a-go kom bak alaiv. Wen di bush did a bon, im kaal di Laad ‘Iebriyam Gad, Aizak Gad an Jiekob Gad.’

Iibruu 10:34

Kaaz fi riil, unu aal sari fi di piipl dem we dem chuo iina prizn. An wen dem kom tek we unu sitn dem, unu mek dem galang wid dem, an aal a sumail sed wie, kaaz unu nuo se unu uon tingz we moch moch beta dan dem sitn de, an wa unu uon a-go laas fi eva.

Iibruu 11:40

Kaaz Gad did plan fi du sitn we wie wie beta fi wi, so wi an dem kyan bi aal a wa Gad waahn wi fi bi di siem taim.

Revilieshan 21:2

Mi si di uoli siti, di nyuu Jeruusilem, a kom dong fram Gad outa evn. It did luk laik wan uman we jres op nais nais fi go a ar wedn fi miit di man we shi a-go marid.