Iibruu 10:5 - Di Jamiekan Nyuu Testiment

⁵ So wen Krais Jiizas kom iina di worl im se, “A neehn sakrifais an aafrin yu did waahn, a dat mek yu get wan badi redi fi mi;

Iibruu 10:5 ပူးပေါင်းရင်းမြစ်များ

Matyu 11:3

fi aks Jiizas, “A yu a di wan wi shudaana luk fa? Ar wi fi luk fi sumadi els?”

Luuk 1:35

Di ienjel ansa ar se, “Di Uoli Spirit a-go kom tu yu an di powa a di Muos Ai a-go toch yu. Im a-go bi Gad uoli pikni.

Luuk 7:19

an sen dem fi go aks Jiizas, “A yu wi fi a luk fa, ar a sumadi els a-go kom?”

Jan 1:14

Nou, di wan we a di Wod ton man, im kom kom liv mongks wi, an wi si ou im big an powaful. Im a Faada Gad wan an onggl dege-dege Bwai Pikni. Faada Gad sen im kom an a di Faada mek im so big an powaful. Di Bwai Pikni shuo wi nof nof lov iivn duo wi no dizorv it, an a bier chuu sitn im shuo wi bout Gad.

Gyalieshan 4:4

Bot wen di taim we Gad set did kom, im sen im Bwai Pikni, Jiizas. Iivn duo im a did Gad pikni, Jiizas baan jos laik mi an yu. Im did av wan mada an im did afi fala di Laa tu.

1 Timoti 3:16

Aal a wi nuo fi shuor se di uol a di sitn dem we Gad shuo wi, we jos big an powaful, a chuu. A chuu se: Jiizas baan a ort laik wan man. Di Uoli Spirit pruuv se Gad did tek im fi im Pikni an di ienjel dem did si im. Piipl priich tu evribadi bout im, evribadi put dem chos iina im an Gad tek im op iina evn.

Iibruu 1:6

Bot wen Gad bring im fos bwai kom iina di worl, im se, “Aal a Gad ienjel dem — worship im!”

Iibruu 10:10

An siek-a dat, di uol a wi ton kliin iina Gad yai. Im sakrifais im uona badi jos wan dege-dege taim an dat kova evriting.

Iibruu 10:7

Den mi se, ‘Gad si mi ya, mi kom fi du wa yu waahn mi fi du, jos laik ou it rait dong bout mi iina di ruol op buk.’ ”

Iibruu 10:8

Fos Jiizas se, “A neehn sakrifais an aafrin yu did waahn, yu neehn waahn dem fi tek no uol-a animal an bon mek sakrifais gi yu an yu neehn waahn no sin aafrin niida. Dem sitn de neehn mek yu api” — duo bies pan di laa a dem sitn de piipl did fi gi.

Iibruu 2:14

So den, sins dem pikni ya a piipl laik evribadi els, im did ton sumadi jos laka dem, da wie de, wen im go ded, im kuda tek we di devl powa, an mek im naa no muo powa fi kil nobadi.

Iibruu 5:7

Wen Jiizas did de ya pan ort a liv, im did prie tu Gad aad aad, di wan we kuda siev im an no mek im ded. Im krai out loud an baal yai-waata. An Gad did ier im kaaz Jiizas did ombl imself, chos iina Gad an did eva redi fi du wa Gad tel im fi du.

Iibruu 8:3

Evri liida fi priis afi gi aafrin plos bon sakrifais gi Gad. So da wan ya did afi av sopm fi gi Gad tu.

1 Piita 2:24

Jiizas — im did fiil uol iip a pien iina im badi fi wi wen im did de pan di kraas siek-a fi wi sin. Im du dat so sin wi no av no muo powa uova wi, an wi kyan liv an du wa rait. An siek-a di sofarieshan we im go chuu: di biit op biit op an di kot op kot op we bata bruuz im, chuu dat yu did get iil.

2 Jan 1:7

Nof laiyad tiicha de iina di worl ya nou. Dem laiyad tiicha ya a taak buot se Jiizas Krais neva kom a ort wid wan badi laik wan man. Dem piipl de a laiyad. Dem a go gens Krais Jiizas.