Iibruu 10:39 - Di Jamiekan Nyuu Testiment

³⁹ Bot wi a no non a dem piipl de we ton bak an en op get laas, mash op an dem sitn de. Nuo sa! Wi a wan a dem piipl de we chos iina Gad an so im a siev wi suol.

Iibruu 10:39 ပူးပေါင်းရင်းမြစ်များ

1 Jan 5:5

So a uu av di powa fi no gi iin tu di wikid sitn dem iina di worl? No onggl di wan dem we biliiv se Jiizas a Gad Bwai Pikni?

1 Piita 1:5

Di siem wie Gad tek kier a dem, a siem so im powa a-go kip unu sief tu, kaaz unu chos iina im. Im a-go kip unu sief an siev unu iina evri wie, an a pan di laas die unu a-go si aal a dat.

Maak 16:16

Ef nobadi biliiv an get baptaiz, a dem a-go get siev, bot di wan dem wa no biliiv, jojment fi dem!

1 Jan 5:16

Ef nobadi si im breda ar sista sin iina wan wie we naa go mek im ded, unu fi prie fi dem se Gad wi paadn dem, an da sumadi we sin da sin de we naa go mek im ded, Gad wi mek im liv. Som sin kaaz piipl fi ded. Mi naa tel unu fi prie fi sumadi we du dem sin de.

2 Piita 3:7

An a Gad siem wod a kip di evn an di ort ya nou til jojment die wen im a-go bon dem op iina faiya an ponish di piipl dem we no bizniz wid wa im se.

Iibruu 11:1

Wen wi chos iina Gad it mek wi shuor bout di sitn dem we wi onggl uop se wi a-go get, an wi nuo se di sitn dem we wi kyaahn si, dem de de fi chuu.

1 Tesaluoniyan 5:9

Kaaz Gad neehn put wi ya, so im kuda mek wi sofa, bot im du wa im du so di Laad Jiizas Krais kuda siev wi.

Jan 17:12

Wen mi did de mongks dem, mi yuuz yu powa fi gyaad an kip dem sief — di powa we yu did gi mi. Non a dem neehn laas, onggl di wan we did baan fi ded an go a el. An dis ya apm so dat wa Gad wod se wuda kom chuu.

Jan 6:40

Kaa mi Faada waahn evribadi we si di Bwai Pikni fi uu im riili bi an we chos iina im fi liv fi eva, an a mi a-go mek dem kom bak alaiv pan di laas die.”

Luuk 11:26

Di diiman si dat, an go fain sevn muor spirit we wosa dan im an di uol a dem go liv de. Iina di lang ron, di man a-go wosa aaf dan bifuo.”

2 Tesaluoniyan 2:3

No mek nobadi fuul unu op non at aal. Kaaz da die de naa kom til wan taim kom wen uol iip a piipl a-go go gens Gad an no waahn av notn fi du wid im. An da die de naa kom til di Man we brok Gad Laa shuo op — di man we Gad boun fi tier dong an mash op iina el.

Jan 20:31

Bot dem ya rait dong so unu mait-a biliiv se Jiizas a di Krais, Gad Bwai Pikni, an dat wen unu biliiv iina im, unu kyan av laif we laas fi eva.

Revilieshan 17:11

Di wail animal we did de ya aredi, an ded nou, a-go ton king nomba iet. Im a did wan a di sevn king dem, bot Gad a-go don im.

Iibruu 10:26

Kaaz ef wi mek op wi main se wi a-go gwaan sin galang afta wi don nuo wa chuu, no muo sakrifais no de fi tek we wi sin yu nuo.

1 Timoti 6:9

Bot di piipl dem we waahn fi rich, di devl chrik dem an mek dem du aal kain-a wikid sitn. Im kech dem wid di fuul-fuul sitn dem we dem waahn an we no gud fi dem. Dem kyaahn si se di sitn dem we dem waahn a-go mash dem op an singk dem.

Jan 5:24

“Mi de tel unu fi chuu chuu, enibadi we ier we mi se an chos iina di wan we sen mi, a-go liv fi eva. Dem naa go get sen fi ded. Nuo! Dem get muuv uova fram we paat dem wuda ded, an gaan uova tu we paat dem gweehn liv.

Revilieshan 17:8

Di wail animal we yu did si, did alaiv wan taim bot im ded nou. Im a-go kom op outa di diip diip singk uol we na'av no batam, an Gad a-go don im. Aal a di piipl dem pan ort uufa niem no rait dong iina di buk bifuo di worl mek, dem a-go shak wen dem si di wail animal, kaaz im did de ya bifuo, bot im did ded, an im a-go kom bak alaiv. Da buk de av iin di niem a di piipl dem we riili a liv.

Iibruu 10:38

An mi piipl dem we du di rait sitn dem a-go liv kaaz dem biliiv iina mi. An ef dem go ton bak mi naa go api wid dem at aal at aal.”