Iibruu 10:31 - Di Jamiekan Nyuu Testiment

³¹ A no wan nais sitn fi jrap iina di an fi di Gad we a liv, an im ponish yu yu nuo — enibadi we dat apm tu fi kech dem fried!

Iibruu 10:31 ပူးပေါင်းရင်းမြစ်များ

Matyu 10:28

No fried a nobadi, kaa dem kyan onggl kil di badi, dem kyaahn kil unu suol. Uu unu fi fried a a Gad, kaa im kyan dash unu dong a el, an mash op unu badi an suol.

Matyu 16:16

Saiman Piita se, “Yu a di Krais, di Gad we alaiv Bwai Pikni.”

Luuk 12:5

Mek mi tel unu uu unu fi fried a: fried a di wan we kyan kil di badi an av di powa fi fling unu suol dong a el tu. Yes mi a tel unu, a im unu fi fried a.

Luuk 21:11

Big ortkwiek a-go kom, an aal bout, fuud a-go shaat an aal kain-a siknis a-go kil aaf piipl; som torbl sitn a-go kom fram evn an piipl a-go fried.

Aks 13:11

Rait nou Gad a-go chraik yu dong an blain yu an yu naa go kyan si di son lait fi nou.” Siem taim im yai dem get fag op an daak an im staat fiil im wie roun an a chrai fi fain sumadi fi uol im an an liid im we im waahn fi go.

2 Korintiyan 5:11

So kaaz wi av nof rispek fi di Laad an chuu wi nuo se im a-go joj evribadi, wi du aal we wi kyan du fi win piipl uova fi Gad. Gad nuo se wi onggl priich wa im waahn wi fi priich an mi uop se, iina unu aat, unu nuo se a dat wi a du.

Iibruu 10:27

Bot notn no lef fi wi du dan fi wiet an fried a Gad jojment we a kom, plos di wikid wikid faiya we im a-go tek bon op di piipl dem we fait gens im.

Iibruu 12:29

Kaaz fi riil, wi Gad a laik wan faiya we bon op tingz.

Iibruu 3:12

Mi breda an sista, mek shuor se non a unu no av aat we so wikid dat unu no biliiv iina di Gad we alaiv — di siem wan we mek piipl liv.