Iibruu 10:28 - Di Jamiekan Nyuu Testiment

²⁸ Ef sumadi did brok di Laa we Gad did gi Muoziz, an tuu ar chrii sumadi se dem si im ar shi a brok di Laa, dem wuda kil da sumadi de an dem naa sari fi dem niida.

Iibruu 10:28 ပူးပေါင်းရင်းမြစ်များ

Iibruu 2:2

Kaaz ef di mesij we di ienjel dem did gi, ton out chuu, an ef aal a di piipl dem we du rang, an dem we neva lisn, did get ponish laik ou dem fi get ponish,

2 Korintiyan 13:1

Da taim ya wen mi kom, dat a-go mek chrii taim mi kom luk fi unu. An siem laik ou it rait dong iina Gad wod se, “Ef sumadi du sopm rang, wi kyaahn jos ponish dem, tuu ar chrii sumadi we si wa apm, afi kom taak we dem si an pruuv se da sumadi de did du rang. Afta dat wi kyan ponish dem.”

Jan 8:17

It rait dong iina fu'unu uona Laa se dat ef tuu sumadi se di siem ting bout sitn, den we dem se a chuu.

Matyu 18:16

Bot ef dem naa pie unu no main, den unu fi kyari wan ar tuu ada piipl go bak wid unu. Da wie de nou, tuu ar chrii piipl wi de de fi si we gwaan an fi pruuv wa unu se.

Jiemz 2:13

kaaz piipl we no paadn nobadi, naa go get no paadn pan jojment die. Ef unu paadn piipl unu wi get frii fram jojment.

Ruoman 9:15

Gad tel Muoziz se, “Mi wi gud an kain tu uu mi waahn fi gud an kain tu, an mi wi tek piti pan uu mi waahn fi tek piti pan.”

Iibruu 12:25

Wach out an mek shuor se unu no ton unu bak pan di wan we a chat! Kaaz ef dem neehn get we wen dem did ton dem bak pan di wan pan ort we waan dem, unu tingk se wi a-go get we ef wi ton wi bak pan di wan fram evn we a waan wi?