Iibruu 10:27 - Di Jamiekan Nyuu Testiment

²⁷ Bot notn no lef fi wi du dan fi wiet an fried a Gad jojment we a kom, plos di wikid wikid faiya we im a-go tek bon op di piipl dem we fait gens im.

Iibruu 10:27 ပူးပေါင်းရင်းမြစ်များ

Iibruu 2:3

den a ou wi a-go get we, ef wi ton wi bak pan da impuotant mesij ya bout ou Gad a-go siev wi, an no pie it no main, iihn? A di Laad Jiizas imself did fos tel piipl bout it yu nuo. An den di piipl dem we did ier im, mek wi nuo se it go so fi chuu.

Revilieshan 20:15

Enibadi uufa niem no rait dong iina di buk we Gad rait di niem a di piipl dem we a-go liv fi eva an eva, dem a-go get fling dong iina di liek a faiya tu.

Iibruu 12:25

Wach out an mek shuor se unu no ton unu bak pan di wan we a chat! Kaaz ef dem neehn get we wen dem did ton dem bak pan di wan pan ort we waan dem, unu tingk se wi a-go get we ef wi ton wi bak pan di wan fram evn we a waan wi?

Iibruu 9:27

An jos laik ou wi nuo fi shuor se a wan taim evribadi a-go ded an den Gad a-go joj dem,

Matyu 13:50

An dem a-go dash dem dong a el we di faiya a bon at at. De-so, piipl a-go baal so til, an dem a-go grain dem tiit di wie ou pien a bait dem.

Matyu 8:29

Di man dem baal out, “Gad Bwai Pikni, lef wi no! A kom yu kom ya fi mek wi sofa bifuo taim, ehn?”

Jiemz 5:3

Unu guol an unu silva dem get rosti, an dem a-go joj unu an shuo se unu gilti. Dem a-go nyam op unu flesh jos laik se a faiya a bon unu op. Unu pak op wan uol iip a moni an nais sitn iina dem taim ya wen di worl suun don.

Iibruu 12:29

Kaaz fi riil, wi Gad a laik wan faiya we bon op tingz.

Matyu 25:41

“Den di king a-go se tu aal uu de pan im lef-an-said se, ‘Gwe fram saida mi! Gwaan go bon op iina di faiya we a bliez fi eva an eva. A it Gad did fiks op fi di devl an im ienjel dem, bot im a sen unu go de tu!

Matyu 13:42

An dem a-go dash dem dong a el we di faiya a bon at at. De-so, piipl a-go a baal out dem yai an a grain dem tiit di wie pien a lik dem.

Matyu 3:12

Im av im faak iina im an redi, an im a-go riek op di fluor wich paat di grien chrash out. Im a-go gyada op di grien an put it iina di bochri, bot im a-go bon op di chrash iina wan faiya we kyaahn out.”

Matyu 3:10

Rait ya nou di aks de a di chrii ruut. An evri wan a di chrii dem we naa bier gud fruut a-go chap dong an bon op iina faiya.

Luuk 23:30

Den “ ‘dem wi tel di mountn dem, “Jrap pan wi!” an dem wi tel di il dem, “Kova wi op!” ’

Luuk 21:26

Piipl a-go kech dem fried an kin uova kaaz dem a-go wanda wa a-go apm tu di worl, kaaz evriting we de iina di skai a-go get shiek outa dem plies.

Luuk 19:27

Yu si dem we iet mi an neva did waahn mi ton dem king, kyari dem kom kil dem rait ya-so.’ ”

Luuk 16:24

So im kaal out, ‘Faada Iebriyam, elp mi, sen Lazaros kom dip di tip a im fingga iina waata fi kuul mi tong. Mi a sofa bad bad iina dis ya faiya ya.’

Jan 5:29

an kom bak alaiv — dem we du gud a-go kom bak fi liv fi eva, an dem we du wikidnis a-go get sen fi ded.