Iibruu 10:25 - Di Jamiekan Nyuu Testiment

²⁵ Mek wi gwaan miit tugeda an kip choch — no tap, laik we som piipl a du. Insted-a dat mek wi kom tugeda an taak so wi wan aneda aat kyan get chrangga; wos laka ou di Laad suun kom bak, mek wi du dem sitn de muo an muo nou.

Iibruu 10:25 ပူးပေါင်းရင်းမြစ်များ

Matyu 10:15

Mi naa lai, pan jojment die, di ponishment we Sadam an Gomaro a-go get a-go iiziya dan da toun de.

Matyu 18:20

Kaaz eniwe tuu ar chrii a mi falara dem gyada fi prie, mi de rait de wid dem.”

Jan 12:48

Yu av wan joj fi di piipl dem we ton dem bak pan mi, an no lisn tu wa mi se. Di sopm dem we mi se gweehn joj dem pan di laas die.

Aks 16:16

Wen wi did a go a di plies we piipl prie tu Gad, wan gyal we dem tek ton sliev miit wi. Shi did av wan diiman iina ar we mek shi kuda tel piipl we a-go apm iina di fyuucha. Shi yuus tu mek nof moni fi ar maasta dem we shi wok fa laik wan riida uman.

Aks 2:1

Wen Pentikas die kom, aal a di piipl we biliiv iina Jiizas did gyada op iina di siem plies.

Aks 2:42

Di piipl dem we biliiv Piita mesij spen di uol a dem taim a lorn fram di apasl dem, shier wa dem av wid wan aneda, iit tugeda an prie tu Gad tugeda.

Aks 20:7

Pan di fos die a di wiik wen wi gyada op fi brok bred, Paal staat taak tu di piipl. An kaaz im did plan fi lef di neks die, Paal priich til migl nait.

Ruoman 12:8

Ef Gad mek yu kyan taak tu piipl an mek dem fiil laik se dem kyan du wa dem niid fi du, den a dat yu fi du. Ef im gi yu wan aat fi piipl we mek yu shier aal we yu av, den yu fi gi wid aal a yu aat. Ef Gad mek yu wan liida, den yu fi wok aad. Ef Gad mek yu kyan gud an kain tu piipl, den a dat yu fi du an yu fi api fi du it tu.

1 Korintiyan 11:20

Wen unu gyada tugeda, a no riili di Laad sopa unu a iit.

1 Korintiyan 14:23

Nou se di uol a unu gyada fi choch an evribadi iina di choch a taak iina tongz, wa apm wen sumadi we no biliiv iina Gad ar sumadi we no nuo bout Gad kom iina di choch an ier unu? Dem naa go se di uol a unu mad?

1 Korintiyan 14:3

Bot di wan dem we di Spirit lou fi kyari mesij fram Gad, dem a taak fi piipl andastan. Di mesij we dem kyari elp piipl fi get chrang iina wa dem biliiv, push dem fi gwaan biliiv an elp dem wen dem sad.

1 Korintiyan 3:13

Pan di die wen Krais Jiizas kom bak evribadi a-go nuo wa evribadi bil wid an evribadi a-go nuo ef wa evribadi bil gud kaaz Gad a-go tes it wid faiya.

1 Korintiyan 5:4

Wen unu gyada tugeda an mi spirit de de wid unu, wid di rait an di powa we di Laad Jiizas Krais gi wi,

Filipiyan 4:5

Liv iina wan wie so dat evribadi kyan si se unu tek taim wid ada piipl. Di Laad suun kom bak.

1 Tesaluoniyan 4:18

So, yuuz dem wod ya elp unu wan aneda, so unu aat wi no evi dong.

1 Tesaluoniyan 5:11

So unu fi taak di sitn dem fi elp unu wan aneda get chrang, laik wa unu a du nou, an gwaan bil op unu wan aneda.

Iibruu 10:24

An mek wi tingk bout ou wi kyan gwaan push wi wan aneda fi shuo lov an fi du di gud sitn dem.

Iibruu 10:37

Kaaz tuu tuuz, “Di wan we a kom a-go riich — im naa go lie-lie.

Iibruu 13:22

Nou breda an sista, mi a beg unu, bier wid di likl mesij we mi rait fi mek unu aat chrang, an no bada get beks, kaaz a no notn lang mi rait.

Iibruu 3:13

Insted-a dat, elp unu wan aneda evridie, so langks a ‘Tide’ it niem, so sin no ful op non a unu aat, an mek it tof op.

Jiemz 5:8

A siem so unu fi tan todi an no gi op, kaaz Gad suun kom.

1 Piita 4:7

Bot, di taim wen aal a dis a-go don suun kom. So klier unu ed an staat tingk chriet, get unu main redi fi akshan, kanchuol unuself an staat liv siiros. Du aal a dat so dat unu kyan prie.

2 Piita 3:11

Sins evriting a-go mash op so, a wa kain-a piipl unu fi bi, iihn? Unu fi liv unu laif fi Gad. Unu fi liv kliin kliin laif

2 Piita 3:14

So fren, wail unu a wiet pan dis, unu fi mek shuor se unu liv rait, an no mek Gad fain no faalt wid unu.

2 Piita 3:9

Gad no lingga wid notn we im pramis fi du laik wa som piipl mait-a tingk. Im jos a gwaan tek im taim wid unu kaaz im no waahn nobadi fi sofa. Wa im waahn a fi evribadi ton we fram sin an kom tu im.

Juud 1:19

Dem piipl ya onggl kaaz choch piipl fi aagyu wid wan aneda an plit op di choch. Dem mek di wikid sitn we dem waahn kanchuol dem, an Gad Spirit no iina dem.