Iibruu 10:22 - Di Jamiekan Nyuu Testiment

²² So siek-a aal a dem sitn de, kom mek wi jraa kluos tu Gad an no fried. Bot mek wi go tu im an riili chos im wid aal a wi aat. Kaaz Jiizas blod don kliin wi aat so wi kanchens frii, an wi badi don wash iina kliin waata tu.

Iibruu 10:22 ပူးပေါင်းရင်းမြစ်များ

Matyu 3:11

“Mi tek waata baptaiz unu fi shuo se unu ton we fram sin. Bot sumadi a kom we muo powaful dan mi. Mi no iivn gud inof fi aal kyari im slipaz. Im wi tek di Uoli Spirit an faiya, an baptaiz unu.

Luuk 1:1

Tiyafilas Sa, Uol iip a piipl chrai fi rait dong di sitn dem wa apm mongks wi.

Jan 3:5

Jiizas ansa im an se, “Fi chuu chuu, mi a tel yu se nobadi kyaahn tek paat iina Gad kindom ef dem no baan uova da taim ya iina waata an iina di Spirit.

Jan 8:9

Wen dem ier we Jiizas se, dem lef go we wan afta di ada. Di uolis wan dem go we fos, an dem gwaan lef til a Jiizas wan did tan op de wid di uman.

Aks 22:16

So wa yu a wiet fa nou? Git op, kaal pan Gad niem, get baptaiz an mek Gad wash we yu sin.’

Aks 8:21

Yu no av no paat iina da wok ya, kaaz yu aat no rait iina Gad yai.

1 Korintiyan 6:11

An a dem de kain-a piipl som a unu yuus tu bi. Bot Gad did wash unu an mek unu kliin. Im sen im Uoli Spirit fi taak tu unu aat so dat unu an wi Laad Jiizas Krais kuda ton wan. An wen unu ton wan, im tek we unu sin.

2 Korintiyan 7:1

Mi gud gud fren, sins Gad mek dem pramis ya tu wi, mek wi stie faar fram sin an kip wi badi an wi spirit kliin. Mek wi rispek Gad an gi im evri paat a wi. Mek wi chrai fi bi muor laik im.

Ifiijan 3:12

Siek-a Jiizas an kaaz wi chos iina im, im mek wi kyan kom tu Gad frii an no fried a notn.

Ifiijan 5:26

Jiizas gi op im laif pan di kraas, so dat im kuda mek di choch kliin an set ar wan said fi Gad. A di Gud Nyuuz we powaful dat im tek wash ar an mek ar kliin.

Ifiijan 6:5

Unu si unu we a sliev, unu fi rispek unu maasta an du we dem waahn unu fi du. Unu fi sorv dem wid aal a unu aat, siem laik ou unu wuda du we Krais Jiizas waahn unu fi du.

1 Timoti 4:2

Dem tiicha ya a ipokrit, dem no nuo rait fram rang kaaz dem naa no kanchens.

Taitos 3:5

im siev wi. A no kaaz a notn gud we wi du bot kaaz im lov wi an im andastan wa wi go chuu. Gad siev wi wid di powa a im Uoli Spirit we wash wi an gi wi nyuu laif.

Iibruu 10:1

Di laa we di Juu piipl dem get a no di riil ting, it a no notn laik di gud gud sitn we a kom. Da laa de a jos laik di sheda fi di riil sitn dem. Kaaz ier afta ier, uova an uova di priis tek di siem sakrifais gi Gad fi mek di piipl dem we kom kom worship get kliin, an stil di sakrifais kyaahn mek di piipl dem kliin iina evri wie.

Iibruu 10:19

So mi breda an sista, laik ou wi frii fi go iina di Uoliyis Plies siek-a Jiizas blod,

Iibruu 11:28

Kaaz im chos iina Gad im did kom bring iin di Paasuova alidie an did mek di blod springkl pan di duor dem, so di Ienjel we kom fi kil wudn kil di fos bwai pikni dem fi di izrel piipl dem.

Iibruu 12:24

Unu kom tu Jiizas, di wan we iina di migl we mek di nyuu plan bitwiin Gad an piipl. An unu kom tu im blod, we ron an wash we sin, an da blod de tan fi sitn wie beta dan Iebl blod.

Iibruu 4:16

So mek wi go tu di wan we shuo wi lov iivn duo wi no dizorv it, an no bada if-an-bot an galang laik wi fried, so im we gud an kain, wi kain tu wi an shuo wi lov iivn duo wi no dizorv it an elp wi enitaim wi niid di elp.

Iibruu 6:11

Muo dan notn els, wa wi waahn unu fi du, a gwaan du di sitn dem we unu a du wid aal a unu aat til unu ded. Da wie de, unu wi en op get di sitn dem we unu a luk faawod tu; di sitn dem we Gad av fi unu.

Iibruu 7:19

Kaaz di laa kudn mek notn ton aal we it fi ton. Bot nou Gad gi wi sitn beta fi luk faawod tu an dat bring wi kluos tu im.

Iibruu 9:10

Dem sitn de did onggl a diil wid wa piipl fi nyam an jringk an di difrant difrant wie dem kyan kliin op demself. Aal a dem ruul de, we onggl a tel wi bout ou piipl fi du tingz, an we naa tel wi notn bout piipl aat, dem onggl a-go laas til di taim kom fi set tingz rait. Dat a wen di nyuu plan kom iin an chienj tingz roun.

Iibruu 9:19

Kaaz wen Muoziz did tel aal di piipl dem evri wan a Gad ruul we did rait dong iina di Laa Buk, im tek wan kou kyaaf blod an guot blod, wid waata an wan likl piis a wan plaant niem isop, we im tai wid som daak-red shiip skin, an springkl di blod an waata pan di Laa Buk an pan aal a di piipl dem.

Jiemz 1:6

Bot wen yu aks yu mos biliiv se Gad a-go gi yu we yu aks fa. Enibadi we aks Gad fi sopm an stil a wanda ef Gad gweehn gi dem, tan jos laik wen briiz a bluo sii waata an it jos a-go op an dong so.

Jiemz 4:8

Jraa nier Gad, an Gad wi jraa nier unu. Sina kliin op unu laif. An unu we kyaahn mek op unu main, kliin op fi unu aat tu.

1 Piita 1:2

Faada Gad pik unu fi wan riizn, jos laik im did a plan fi du lang bifuo unu baan. An im Spirit kliin op unu aat so unu kyan fala wa Jiizas Krais se. An Jiizas blod mek unu kliin tu. Mi prie se Gad wi aalwiez shuo unu im lov iivn duo wi no dizorv it an gi unu piis iina unu aat.

1 Piita 3:21

Dem flod waata de komiin laik baptizam we siev wi ya nou. Baptizam a no fi wash aaf wi badi. Wen wi baptaiz, it miin se wi kanchens klier klier an wi mek wan pramis tu Gad. An dat siev wi kaaz Gad mek Jiizas Krais ded an kom bak alaiv.

Revilieshan 1:5

An mi prie se Jiizas Krais, di wan we aalwiez taak di chuut bout Gad, wi gud an kain tu unu an gi unu piis iina unu aat. Im a di fos wan fi ded an kom bak alaiv, an a im ruul uova aal a di king dem we de pan ort. Jiizas a di wan we lov wi an a im frii wi fram wi sin dem wid im blod wen im ded pan di kraas.