Iibruu 10:21 - Di Jamiekan Nyuu Testiment

²¹ Plos wi av wan priis we a wan a di bigis wan eva, an a im ruul uova Gad ous.

Iibruu 10:21 ပူးပေါင်းရင်းမြစ်များ

Matyu 16:18

An ier wa mi a se no, yu a Piita, wan rak. An a pan dis ya rak mi a-go bil fi mi choch, an no powa dong a el naa go kyan mash dat op.

1 Timoti 3:15

In kies sitn uol mi bak mi a rait fi mek yu nuo ou piipl we a paat a Gad fambili mos biyiev. Gad fambili a di choch an di choch a fi Gad we liv fi eva an eva. Di choch sopuot an uol op di chuut jos laik ou di foundieshan an di kaana puos uol op wan bildin.

Iibruu 2:17

So siek-a aal a dem sitn de nou, im did afi ton laik im breda an sista dem we de pan ort. Im did afi ton laik dem iina evri wie. Da wie de, az Gad elpa, im kuda ton wan liida fi di priis dem we Gad kyan chos, an im wi gud an kain tu piipl kaaz im andastan we dem a go chuu. An im kuda kom tek we di piipl dem sin tu.

Iibruu 3:1

So mi breda an sista we bilang tu Gad, an we im kaal jos laik ou im kaal mi, unu fi kip unu main pan Jiizas. Im a di mesinja we Gad sen wi, an di liida fi di priis dem we go tu Gad fi wi, siek-a wa wi se wi biliiv iina.

Iibruu 6:20

A de-so Jiizas go tu. Im go de bifuo wi, so im kyan elp wi. An im ton wan liida fi di priis dem fi eva, jos laka Melkezidek.

Iibruu 7:26

Liida fi priis we komiin laik Jiizas, a riili di kain-a liida fi priis we wi niid. Im mek Gad api iina evri kain-a wie. Im no du notn rang; im neva sin. Nobadi kyaahn bliem im fi notn. Gad mek im difrant, im no komiin laka sina piipl. An Gad riez im op ai ai, aiya dan aal evn.

Iibruu 8:1

Nou dis a di mien sitn wi a se: Wi av wan liida fi priis we did sidong pan di rait-an-said a Gad chuon op iina evn.