Iibruu 10:20 - Di Jamiekan Nyuu Testiment

²⁰ kaaz im go sakrifais im badi we komiin laka di kortn we put op iina Gad ous fi kova di plies we Gad de; an di sakrifais im go sakrifais im badi, dat uopm op wan nyuu wie fi wi, wan wie we gi laif — wan wie we liid tu Gad.

Iibruu 10:20 ပူးပေါင်းရင်းမြစ်များ

Matyu 27:51

Siem taim, di kortn we did eng op iina Gad ous plit iina tuu, fram tap tu batam. Di ort shiek op an di rakstuon dem plit uopm.

Maak 15:38

Siem taim di kortn we did eng op iina Gad ous plit iina tuu fram tap tu batam.

Luuk 23:45

Afta it get daak, an di big tik kortn iina Gad ous plit iina tuu,

Jan 10:7

So im se tu dem agen se, “Mi a tel unu fi chuu chuu se dat mi a di giet we di shiip dem go chuu.

Jan 10:9

Mi a di giet. Ef enibadi kom iin chuu mi, dem a-go siev. Dem a-go waak iin an waak out, an dem a-go fain plies wid nais griin graas fi nyam.

Jan 14:6

Jiizas ansa im an se, “Mi a di wie, mi a di chuut, mi a di wan we mek piipl kyan liv. Nobadi kyaahn go tu di Faada ef dem no go chuu mi.

Ifiijan 2:15

An im du dat, wen im ded pan di kraas an tek we di Laa wid di ruul dem, so wi no afi fala dem no muor. Im du dat, so dat, wid im uona laif, im kuda mek piis mongks piipl we a Juu an piipl we a no Juu, an so dat im kuda ton dem iina wan gruup a piipl.

1 Timoti 3:16

Aal a wi nuo fi shuor se di uol a di sitn dem we Gad shuo wi, we jos big an powaful, a chuu. A chuu se: Jiizas baan a ort laik wan man. Di Uoli Spirit pruuv se Gad did tek im fi im Pikni an di ienjel dem did si im. Piipl priich tu evribadi bout im, evribadi put dem chos iina im an Gad tek im op iina evn.

Iibruu 6:19

Wen wi chos Gad, an wi nuo fi shuor se im a-go gi wi wa im pramis wi, dat mek wi suol chrangga, an notn we a gwaan kyaahn kom shiek wi op. Wi tan todi jos laik wen di angka fi di ship jrap a di batam a di sii so di ship tan wan plies. An wen wi chos iina Gad so, di sitn dem we wi set wi aat pan, dem sitn de go insaid baka di kortn, go wan speshal speshal plies we Gad tan an we di priis dem wan kyan go.

Iibruu 9:3

An baka di sekan kortn yu did av di tent we dem kaal di Uoliyis Plies.

Iibruu 9:8

Di Uoli Spirit did a shuo se di wie fi get iina di riil tent, di Uoliyis Plies neehn uopm op yet, so langks di uol tent — di wan pan ort, did stil a yuuz.

1 Piita 3:18

Kaaz Krais Jiizas sofa an ded fi di uol a wi sin wans an faraal. Wan man we du onggl wa rait, ded fi aal a uu a sina, fi bring wi tu Gad. Dem kil di badi, bot Gad mek im liv agen iina di Spirit.

1 Jan 4:2

Dis a ou unu fi fain out ef dem riili av Gad Spirit. No spirit we se Jiizas Krais did kom iina di worl laik wan man, kom fram Gad.

2 Jan 1:7

Nof laiyad tiicha de iina di worl ya nou. Dem laiyad tiicha ya a taak buot se Jiizas Krais neva kom a ort wid wan badi laik wan man. Dem piipl de a laiyad. Dem a go gens Krais Jiizas.