Iibruu 10:1 - Di Jamiekan Nyuu Testiment

¹ Di laa we di Juu piipl dem get a no di riil ting, it a no notn laik di gud gud sitn we a kom. Da laa de a jos laik di sheda fi di riil sitn dem. Kaaz ier afta ier, uova an uova di priis tek di siem sakrifais gi Gad fi mek di piipl dem we kom kom worship get kliin, an stil di sakrifais kyaahn mek di piipl dem kliin iina evri wie.

Iibruu 10:1 ပူးပေါင်းရင်းမြစ်များ

Ruoman 8:3

Wi aat so ful op a sin wi kudn fala aal we di Laa se an so di Laa kudn siev wi. Bot Gad du we di Laa kudn du. Gad tek im Bwai Pikni ton im iina wan man, gi im wan badi siem laik fi wi uon we wuda waahn fi sin, an sen im kom a ort fi ded fi wi sin dem.

Koloshan 2:17

Aal a dem ruul de, dem no notn laik di sitn dem we a-go kom. Dem a onggl laik wan sheda fi dem sitn de; dem a no di riil ting. Wa riil, a Krais Jiizas.

Iibruu 10:22

So siek-a aal a dem sitn de, kom mek wi jraa kluos tu Gad an no fried. Bot mek wi go tu im an riili chos im wid aal a wi aat. Kaaz Jiizas blod don kliin wi aat so wi kanchens frii, an wi badi don wash iina kliin waata tu.

Iibruu 7:11

Gad did gi di Izrel piipl dem di laa. Di priis dem did fi kom fram Liivai fambili an dem did impuotant tu di laa. Nou ef di priis dem fram Liivai fambili kuda du aal we dem did fi du, wan difrant kain-a priis wudn afi kom? Wan we tan laka Melkezidek, an we no kom fram Ieran fambili, no chuu?

Iibruu 8:5

Dem wok az liida fi di priis dem iina tent we luk laik wa de a evn, bot dem de tent kyaahn riili kom kluos tu di wan we de a evn, nuo sa! Dem de komiin laka sheda fi di riil ting. A so kom Gad did waan Muoziz wen im did bout fi mek di tent fi piipl kom worship im. Gad se, “Mek shuor se yu mek evriting jos laik wa mi shuo yu pan di moutn.”

Iibruu 9:11

Bot Krais Jiizas kom aredi az di liida fi priis fi di gud sitn dem we a kom. An di tent we im go chuu, dat biga an beta dan di ada wan. It no niid notn els fi mek it no beta dan it bi. An a no piipl mek da wan de. Dat miin fi se a no da worl ya it kom fram.

Iibruu 9:23

So, di sitn dem we onggl komiin laik di wan dem we de a evn, dem sakrifais de did afi bon fi mek dem sitn de get kliin. Bot di wan dem we de a evn — di riil wan dem, beta sakrifais did afi bon fi dem sitn de.

Iibruu 9:25

An im neehn go iina evn go gi op imself uova an uova laik ou di liida fi di priis dem did afi go iina di Uoliyis Plies ier afta ier a kyari blod we a no fi dem uon.