Iibruu 1:9 - Di Jamiekan Nyuu Testiment

⁹ Yu lov wa rait, an yu iet wa no rait. A so kom mi, fi yu Gad, pik yu uova yu fren dem an mek yu wel api.

Iibruu 1:9 ပူးပေါင်းရင်းမြစ်များ

Luuk 4:18

“Di Spirit a di Laad de pan mi, kaaz im pik mi out fi kyari gud nyuuz go gi puo piipl. Im sen mi fi mek di prizna dem nuo se dem a-go frii, fi mek blain piipl nuo se dem a-go si agen, fi mek piipl we a sofa nuo se dem naa go sofa fi eva.

Jan 1:41

Di fos ting Anju du afta im miit Jiizas a fain im breda, Saiman, an tel im se, “Wi fain di Mesaiya” (Iina fi dem langwij dat miin Krais).

Jan 10:17

Mi Faada lov mi kaa mi gi op mi laif, so dat mi kyan kom bak alaiv.

Jan 20:17

Jiizas se, “No uol aan pan mi, kaa mi no gaan baka mi Faada yet. Go tel yu breda dem se mi se, ‘Mi a go baka mi Faada an fi unu Faada, mi a go baka mi Gad an fi unu Gad.’”

Jan 3:34

Kaa, di wan we Gad sen kom se aal a wa Gad tel im fi se, kaa yu si, Gad gi'im evri singgl bit a im Spirit.

Aks 10:38

Unu nuo ou Gad did gi Jiizas we kom fram Nazaret im Uoli Spirit an powa. Jiizas go aal bout a du gud sitn, an aal a di piipl we di devl did kanchuol, Jiizas frii dem kaaz Gad did de wid im.

Aks 4:26

Di king dem pan ort get demself redi fi fait, an di ruula dem jain tugeda fi fait gens Gad an gens fi'im Krais.’

Aks 4:27

Wi nuo fi shuor se a so it go, kaaz Erad, Ponchos Pailat, piipl we a no Juu, an di Izrel piipl miit op iina da siti ya an plan fi kil Jiizas, yu sorvant we uoli.

Ruoman 12:9

Unu mos lov piipl wid aal a unu aat — unu lov mos riil; iet evriting we wikid an eng aan tait tu eniting wa gud.

Ruoman 15:13

Mi prie se Gad, Gad we kaaz piipl fi luk fa an nuo fi shuor se dem wi get wa im pramis, mi prie se im wi gi unu piis iina unu aat an mek unu aat api, api kyaahn don kaaz unu biliiv iina im. Mi prie se im du dat, so dat di Uoli Spirit wi kaaz unu muor an muor fi luk fi get di sitn dem we Gad pramis an nuo fi shuor se yu wi get dem.

1 Korintiyan 1:9

Gad, di wan we kaal unu fi bi wan wid im Bwai Pikni, wi Laad Jiizas Krais, aalwiez du wa im se im a-go du. So unu kyan chos se im wi de de fi unu.

2 Korintiyan 11:31

Di Gad an Faada fi di Laad Jiizas Krais, nuo se mi naa lai. Mek piipl priez im niem fi eva!

Gyalieshan 5:22

Bot Gad Spirit kaaz fi im piipl fi lov evribadi an aalwiez api no mata wa. It kaaz dem fi liv gud wid piipl, no fi lov fait an fi aalwiez tek taim wid ada piipl. Di Spirit mek dem kain an mek dem eva a du gud fi piipl. It kaaz dem fi bi sumadi we piipl kyan chos.

Ifiijan 1:3

Wi priez Gad. Im a di Gad an Faada fi wi Laad Jiizas Krais. Kaaz wi an Krais Jiizas a wan, Faada Gad mek wi spirit api an mek wi kyan tek paat iina evriting gud we kom fram evn.

Filipiyan 2:9

Siek-a we im du, Faada Gad tek im op a evn an put im iina di tap-a-tap pozishan an gi im wan speshal niem we biga dan evri ada niem.

Iibruu 2:11

Di tuu a dem kom fram wan fambili: di wan we mek piipl gud an kliin an di piipl dem we a ton gud an kliin. So chuu dat, Jiizas no shiem fi se dem a im breda an sista dem.

Iibruu 2:9

Wa wi si ya nou a Jiizas. Fi wan likl wail im did de luo dong dan di ienjel dem, bot nou im av powa. Nou Gad riez im op ai ai laik a wan kroun im put pan im ed. Im av powa an Gad riez im op ai ai kaaz im sofa an ded. An kaaz Gad lov wi so moch iivn duo wi no dizorv it, im mek Jiizas ded fi evribadi.

Iibruu 7:26

Liida fi priis we komiin laik Jiizas, a riili di kain-a liida fi priis we wi niid. Im mek Gad api iina evri kain-a wie. Im no du notn rang; im neva sin. Nobadi kyaahn bliem im fi notn. Gad mek im difrant, im no komiin laka sina piipl. An Gad riez im op ai ai, aiya dan aal evn.

1 Piita 1:3

Tangks an priez tu di Gad an Faada a wi Laad Jiizas Krais. Im so gud an kain tu wi, im gi wi nyuu laif wen im mek Jiizas Krais ded an kom bak alaiv. Da wie de, wi nuo fi shuor se wi kyan get wa im pramis wi.

1 Jan 1:3

Wa wi did si an ier a dat wi a tel unu tu. Wi a tel unu so dat unu kyan muuv kluos wid wi, an wi a muuv kluos wid di Faada an wid im Bwai Pikni Jiizas Krais.

Revilieshan 2:15

An unu av som piipl mongks unu we a fala wa di Nikolieshan dem tiich.